Ayuba 24:5 - Songhai de Gao Bible

⁵ Sanda ganjifarka kaŋ goo saajoo ra, i ga koy goy za alfazar ka ŋaayan ceeci, ganganoo ra i ga duu ŋaayan ngi izey se.

Ayuba 24:5 ပူးပေါင်းရင်းမြစ်များ

Šintinoo 16:12

Ni izʼaroo ga tee sanda ganjifarka. A ga kay ka borey kul wongu, borey kul ga kay kʼa wongu. Amma a ga goro jere ga nga armey se ka huna nga hinne.»

Šintinoo 27:40

Ni takubaa nda nʼga huna, nʼga yee ni armaa cire, amma nʼga kaa ka duu ni boŋ. Tiŋay-zaa-bundoo kaŋ a ga daŋ ni boŋ, nʼgʼa kaa ni jindoo ga.»

Ayuba 12:6

Goy futu teekey gorodogey goo baani ra, borey kaŋ ga Irkoy futandi goo lakkalkanay ra, kaŋyaŋ si koy bay kala ngi boŋ.

Ayuba 24:14

Boro wiikaw ga tun waati kaŋ gaayoo bangay, a ga talkaa nda alfukaaroo wii. Cijin here a ga hima nda zay.

Ayuba 24:6

I ga subey dunbu hawsaa ra, i ga boro futawey alaneb-izey kurma-kurma,

Ayuba 5:5

Yala heraykoyni ma nga hegaa gon, a mʼa zaa hala karjey ga! Yala nga almanoo ma kaŋ kumsay ra!›

Zaburey 104:23

Adamize ga fatta ka koy nga goydogoo ra, a ga cindi nga goydogoo ra hala alaasaroo ra.

Yaasawey 4:16

Zama i si jirbi nda manʼti i nka goy futu tee, i ga jirbidunbay nda i mana duu boro kaŋ i nʼa kaŋandi.

Yehiya 18:28

I na Isa ka hun Kayif do ka koy goforneroo tuujidogoo ra. Subbaahi tayaa no. Ngi hunday mana huru goforneroo batumaa ra hala ngi masi žiibi, de ngi ma hin ka Borcintaraa jingaroo ŋaayanoo ŋaa.

Teegoyey 23:12

Suba subbaahoo ra, Alyahuudey hawandifutay, i na žeeyan beeri tee kaŋ ngi si ŋaa ngi si haŋ hala waati kaŋ ngi na Pol wii.