Ayuba 21:25 - Songhai de Gao Bible

²⁵ Boro tanayaŋ ga buu nda binedooray, bila nda i ma gomni taba.

Ayuba 21:25 ပူးပေါင်းရင်းမြစ်များ

Samiyel 2to 17:8

Hušay nee koyne: «Ni hunday ga ni baabaa nda nga borey bay. Wongaariyaŋ no. I ga laala, ni mma nee ganjihooga urs kaŋ izey dere a se saajoo ra. Ni baabaa manʼti kala wongaari beeri, cijin here a si kani jamaa bande.

Kokoyey 1na 17:12

Woyoo nee: «Ay ga žee nda Abadantaa, ni Koyoo kaŋ ga huna maaɲoo, ŋaayan kul sii ay kone hugey do nda manʼti kabe mee foo farin kaŋ goo jinay ra nda jii kayna kaŋ goo kulba ra. Woo se ay goo ma tuuri kuuna ka koy hugey ka hina agay nda ay izʼaroo se. Nda ir nʼa ŋaa ka ben, ir ga buu ŋaayan jaŋay se.»

Ayuba 10:1

«Ay binoo hun hunayan se! Sohõ ay ga naŋ ay dooraa ma koy a ga, ay hundoo hottayyanoo ra ay ga šelaŋ.

Ayuba 20:23

Ka gar a goo ma nga boŋ kungandi, Irkoy ga nga futuroo warra a ga, a gʼa doori nga hamoo ga.

Ayuba 21:24

i ga naasu, i ga warga, ngi birey ga too nda londi.

Ayuba 21:26

Cere bande i ga kani laboo cire, nooney goo i se nongoo kul here.

Ayuba 3:20

Macin se Irkoy ga naŋ boro zarabante ma hayandi? Macin se a ga naŋ boro kaŋ ga dor ma huru aduɲɲa ra?

Ayuba 7:11

Woo maaganda se ay si dangay, ay binemaraa ra ay ga šelaŋ, ay dooraa ra ay gʼay hottayyanoo cebe.

Ayuba 9:18

a si naŋ ya hunsar, takaa kaŋ nda a gʼay too nda hottayyaŋ.

Yaasawey 14:10

Boro binoo no ma nga binemaraa bay, boro tana si hin ka nga ɲaaloo bay.

Waazukaa 6:2

Irkoy na alman noo boro se, nda arzaka, nda darža, haya sii no kaŋ a ga bagʼa kaŋ ga hundoo kuma. Amma Irkoy manʼa noo a ma maakaani i ra, yaw no ma maakaani i ra. Woo sii nda addalil, ifutu beeri no.