Ayuba 21:19 - Songhai de Gao Bible

¹⁹ A harandi kaŋ zukandoo kaŋ nda boro futu ga hima, Irkoy gʼa jisi izey se. A mma hima ka banandi nga hunday ra, woo ra moɲey ga hay.

Ayuba 21:19 ပူးပေါင်းရင်းမြစ်များ

Šintinoo 4:7

Nda nʼna taka henna tee kaŋ ga hima, nʼga ni boŋoo jer! Amma nda mana taka henna tee, zunuboo ga daaru ni hugoo miɲoo ga. A ga alhawa nga ma duu ni, amma ni, ma hin a!»

Samiyel 2to 3:39

Hõ ay gaaboo kacca, ba kaŋ se ay yonandi ka tee kokoy. Arey wey kaŋ ti Seruya izey gaaboo bisa ay wanoo. Yala Abadantaa ma goy futu teekaw bana nda nga goy futaa.»

Ayuba 22:24

Wuragoo warra laboo ra, Ofir gandaa wuragoo fur gooroo tondey ra,

Zaburey 54:5

Zama boro waaniyaŋ tun ya ne, boro binekogayaŋ ga ceeci ngi mʼay hundoo kaa, i si Irkoy guna. Kay-kayna

Fattaroo 20:5

Masi sujudu koyey wey se, masʼi gana, zama agay, Abadantaa, ni Koyoo manʼti kala Koy kaŋ ga canse ma ne, ka baaba kaŋ konna agay layboo ka hanga hala nga izey alwadda hinzantoo ka koy itaacantoo ga.

Kabuyaney 14:18

‹Abadantaa si cahã ka futu, nga borohennataraa ga beeri, a ga laybu nda hooyan yaafa. A si goy futu teekaw dii sanda boro kaŋ mana ifutu tee. A ga baabey laybey hangandi izey hala alwadda hinzantoo nda itaacantoo ga.›

Matiyu 16:27

Boro-izʼaroo ga kaa nga Baabaa Irkoy daržaa ra, nga nda nga almalaykey. Waatoo din a ga boro foo kul bana ka sawa nda nga teegoyoo.

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Korent borey bataga 2to 5:21

Boraa kaŋ mana zunubu tee, Irkoy nʼa tee zunubu ir maaganda se, hala nga bande ir ma tee Irkoy boro šerranteyaŋ.

Alhukumoo 32:34

Woo mana tugandi ay jeroo ga wala? Manʼti agay alman jisidogoo ra a goo wala?

Alhukumoo 32:41

Nda ay nʼay takubaa kaŋ ga hima nda meli miɲoo kaanandi, nda ay kaboo na ciitoo dii, ay ga bana agay iberey ra, agay alhakoo ga hun borey ra kaŋ ga konna agay.

Timote bataga 2to 4:14

Garaasaa kaŋ maaɲoo ti Aleksander hanse kʼay dor, ir Koyoo gʼa bana nda woo kaŋ nda a ga hima.

Bangandiroo 18:6

Wʼa bana nda nga hunday bana takaa, wa nga teegoyey cine hinka yeeti a se. Alaneb hari moora kaŋ a nʼa birji potoo ra, wa nga cine hinka birji a se.