Ayuba 20:25 - Songhai de Gao Bible

²⁵ Nda a gʼa hoobu kʼa kaa nga dumaa ga, ka guuru mee kaanaa kaa nga tasaa ra, binedunbay ga zunbu a boŋ.

Ayuba 20:25 ပူးပေါင်းရင်းမြစ်များ

Samiyel 2to 18:14

Žowab nee: «Ay sʼay boŋ farandi ka kay ni jine ka haŋajer ma ne.» Ka gar Absalom goo tuuriɲaŋoo ga a ga huna, Žowab na yaaji hinza zaa kaboo ra ka koy Absalom hay nda ey binoo ra.

Ayuba 15:21

Kaati kaŋ ga hunburandi ga hẽe haŋawey ra, ba alaafiya waati kayrakaw ga kaŋ a ga.

Ayuba 16:13

A deeši ka kaa ay ga nda nongu kul here. A nʼay dumay-ɲaa-guurey fun ka bisa, a mana haya kul naŋ, a na tayoo kaŋ goo ay tasaa ga mun laboo ra.

Ayuba 18:11

Nongoo kul here hunburay ga kaŋ a boŋ, a ga hanga a cee nda cee.

Ayuba 18:14

I nʼa cendi ka hun gorodogoo ra kaŋ ga a ga tammahã, i nʼa ka koy bone kokoyoo do.

Ayuba 27:20

Balaawu ga kaŋ a ga sanda ncirɲi, hewkur gʼa zaa cijinoo ra.

Ayuba 6:4

Zama Hini-kul-koyoo biraw-izey nʼay hay, ay hundoo ga ngi naajoo haŋ, Irkoy gaabi hunburantey kaa ay ga.

Zaburey 7:12

Irkoy manʼti kala ciitikaw šerrante, Koy no kaŋ ga hin ka futu zaari kul.

Zaburey 73:19

Wa guna, dogoo din da i tee yaada, i benandi, bone nʼi derandi.

Zaburey 88:15

Abadantaa, macin se ni wanji ay ga, ka ni ndumoo bere ya ne?

Korent borey bataga 2to 5:11

Sohõ kaŋ ir ga hunburaa kaŋ ga hima ka teendi ir Koyoo se bay, woo se ir ga taka tee borey ma yadda ir se. Irkoy ga hanse kʼir takaa bay. Ay ga naata kaŋ war mo ga hanse kʼir bay war lakkaley ra.

Alhukumoo 32:41

Nda ay nʼay takubaa kaŋ ga hima nda meli miɲoo kaanandi, nda ay kaboo na ciitoo dii, ay ga bana agay iberey ra, agay alhakoo ga hun borey ra kaŋ ga konna agay.