Ayuba 20:19 - Songhai de Gao Bible

¹⁹ Zama a na talkey motti kʼi naŋ, a na hugu kayri kaŋ a si yee kʼa cin.

Ayuba 20:19 ပူးပေါင်းရင်းမြစ်များ

Kokoyey 1na 21:19

Ma nee a se: ‹Hayaa ne kaŋ Abadantaa nʼa har, a nee: “Nʼna boro wii jina, ni yadda ka nga kabe almanoo mo taa!”› Ma nee a se koyne: ‹Hayaa ne kaŋ Abadantaa nʼa har, a nee: “Nongoo kaŋ ra hanšey na Nabot kuroo logu, no din hunday ra i ga ni mo kuroo logu.”›»

Ayuba 18:15

Nʼga hin ka cindi nga hugoo ra, zama a sʼa may koyne, i ga ganjibaali say-say nga gorodogoo ra.

Ayuba 22:6

Nʼna alman dii ni armaa ga bila addalil, nʼna bankaarawey kaa borey ga kʼi naŋ gaa koonu.

Ayuba 35:9

Borey ga kaati ngi kankamyan boobey se, borey ga faabayan ceeci ka ngi kaa boŋkoyney hini futaa cire.

Zaburey 10:18

ka ciiti dunbu alyatimoo se nda boraa se kaŋ i gʼa šiita, hala laboo ga, boro kul masi yee koyne ka boro hunburandi.

Zaburey 12:5

borey kaŋ ga nee: «Ir deeney goo nda albarka, ir goo nda ir miɲey, may no ma hin ir?»

Zaburey 12:6

Zama alfukaarey kankamandi, talkey taabi, sohõ Abadantaa nee: «Ay ga tun, ay ga borey hallasi kaŋ ga jaw hallasiroo se.»

Yaasawey 14:31

Boro kaŋ ga talka kankam na nga Takakaa kaynandi, boro kaŋ na alhormo tee a se na nga Takakaa beerandi.

Waazukaa 4:1

Ay yee ka laasaabu ka dii tooɲerey kul kaŋ ga tee waynaa cire. Borey kaŋ biney ga hẽe mundawey ga doo, bineyaynandikaw sii no i se. Gaabi sii kala ngi tooɲekey se, bineyaynandikaw sii i se.

Waazukaa 5:8

Nafaw no ganda se a ma duu kokoy kaŋ ga faari goy daŋ jine.

Alhukumoo 28:33

Jama kaŋ nʼsʼa bay ga hayey kaŋ ni laboo gʼi hay nda ni kabe goyoo albarkaa ŋaa, waati kul nʼga šiita nʼga kankam.

Žak batagaa 2:13

zama ciitoo ga tee haya kaŋ ra hinnari sii borey se kaŋ si hinna. Hinnari ga hin ciiti.

Žak batagaa 2:6

Amma war, war na talkaa kaynandi. Manʼti almankoyney no ma war daŋ ngi hinoo cire, manʼti ngi no ma war ka koy ciitikey jine?

Žak batagaa 5:4

Nga ne, goykey kaŋ goy war faarey hegaa ra, war na ngi banaa dii, banaa kaati, hegaykey kaatoo huru hala ir Koyoo, Aduɲɲakoyoo haŋaa ra.