Ayuba 19:7 - Songhai de Gao Bible

⁷ Nda ay kaati ka ciya kaŋ ay torro, boro kul sʼay zaabi. Nda ay ciya ka faaba ceeci, ay si duu cimi.

Ayuba 19:7 ပူးပေါင်းရင်းမြစ်များ

Ayuba 10:3

Ni do a ga boori mʼay šiita wala? Kʼay faraa bagaa fur, ka boro laaley goyey faaba ka boori wala?

Ayuba 16:21

hala a ma ciiti nga nda adamize game, sanda adamize kaŋ ga faasa nga cinaa se.

Ayuba 21:27

Guna, ay ga war miilewey bay, nda war anniyawey kaŋ nda war gʼay tooɲe.

Ayuba 30:20

Ay ga kaati ka faaba ceeci ni ga, amma nʼsi tuuru ya ne, ay ga kay ay boŋ ga hala ma lakkal daŋ ya ne.

Ayuba 30:24

Boro kaŋ goo ma halaci si nga kabey šerre wala? Boro kaŋ goo bone ra si kaati ka faabayan ceeci wala?

Ayuba 30:28

Ay gaahamoo bibi, amma manʼti waynaa no, ay ga tun borey margaroo ra ka faabayan ceeci.

Ayuba 34:5

Zama Ayuba ka nee kaŋ nga ga henan, amma Irkoy na nga cimoo taa nga kone.

Ayuba 40:8

Nʼga baa ma nee kaŋ ay ciitoo si henan? Nʼga baa ma nee kaŋ ay tooɲe, ka ni boŋ noo cimi?

Ayuba 9:24

Nda ganda naŋandi boro laaley kabey ra, a ga gandaa ciitikey moɲey daabu. Nda manʼti nga no, adiši may no?

Ayuba 9:32

Zama manʼti adamize no sanda agay hala ya tuuru a se, hala ir ma duu ka ciiti.

Zaburey 22:2

Ay Koyoo, ay Koyoo, macin se nʼnʼay naŋ? Macin se nʼga mooru ay ga? Macin se nʼsʼay hallasi? Macin se nʼsi maa ay wurroo se?

Zaburey 22:3

Ay Koyoo, zaaroo ra ay ga wurru ka ni cee, nʼsi zaabi, cijinoo ra ay ga wurru ka ni cee, ay si dangay.