Ayuba 16:5 - Songhai de Gao Bible

⁵ Ay gʼay šenney ka war biney daŋ, ay si fay nda ay ga šelaŋ ka war doroo yaynandi.

Ayuba 16:5 ပူးပေါင်းရင်းမြစ်များ

Ayuba 16:4

Nda a gar war bara ay dogoo ra, ay ga hin ka šelaŋ war se nda takaa woo da, ay ga šenniyaŋ hanse war se, ay gʼay boŋoo zinji-zinji ka war fude.

Ayuba 16:6

Amma nda ay ga šelaŋ, ay doroo si ben, nda ay dangay, a ga ben wala?

Ayuba 29:25

Ay tee i se jineboro ka fondaa cebe i se kaŋ bande i ga hima ka dira, ay ga goro i game sanda kokoy kaŋ goo nga wongu-izey gamey ra, sanda boro kaŋ ga borey kaŋ biney ga hẽe biney yaynandi.»

Ayuba 6:14

Boro kaŋ zarabi ga hima ka duu nga ceroo borohennataraa, ba nda a nka fay nda Hini-kul-koyoo hunburaa.

Ayuba 6:25

Šenni šerrantey si boro kul maray! Macin nda war šenney ga hima?

Zaburey 27:14

Ni tammahãa daŋ Abadantaa ra! Gaabi daŋ ni boŋ ra, ma bine tee! Ni tammahãa daŋ Abadantaa ra!

Yaasawey 27:17

Guuru no ma guuru kaanandi, takaa din da boro ga nga cinaa noo lakkal.

Yaasawey 27:9

Jii nda dugu ga bine kaanandi, takaa din da boro ceroo hoyray hennaa si hun kala nga bine boryaa ra.

Galati borey batagaa 6:1

Agʼarmey, nda boro diyandi laybu kul kaŋ teeyanoo ra no, war kaŋ Irkoy Hundoo ga war gongu, wa boraa daŋ fondaa ra nda bineyaynay. Ma hawgay ni hunday masi koy siyandi.