Ayuba 14:5 - Songhai de Gao Bible

⁵ Adamize aloomuroo goo nda kaydoo, ni no ma nga handey hinnaa bay, nʼna kaydoo daŋ a se kaŋ ga a si hin ka bisa.

Ayuba 14:5 ပူးပေါင်းရင်းမြစ်များ

Ayuba 12:10

Adamizey kul hunaroo sii kala kaboo ra, nga no ma gaaham kul noo hundi.

Ayuba 14:14

Nda a gar nda boro buu a mma hin ka yee ka huna, zaari kul goyey ra ay ga batu, hala waati kaŋ boro huru ay dogoo ra.

Ayuba 16:22

Zama agay aloomuroo goo ma ben, ay ga fondo zaa kaŋ nda ay si willi kate koyne.»

Ayuba 21:21

Macin no nga hugoo ga kate a se nga dumaa ga, waati kaŋ nga aloomur kaccaa too nga kaydogoo ga?

Ayuba 7:1

«Wongu-izetaray manʼti adamize wane laboo ga wala? Nga hunaroo manʼti kala sanda goykaw kaŋ ga banandi wala?

Zaburey 104:29

Nʼna ni ndumoo bere i se, i ga hunbur, nʼna ngi hunsaroo dii, i ga dere ka willi laboo ra.

Zaburey 104:9

Nʼna kanje daŋ kaŋ ga harey masi bisa, hala i masi kaa ka laboo daabu.

Zaburey 139:16

Waatoo kaŋ ay ga tee baši, ni moɲey ga dii agay, de mo ni tiiraa ra agay aloomuroo hinnaa kul hantumandi, za ya na duu ba zaari foo.

Zaburey 31:15

Agay, ay nʼay naanaa daŋ ni, Abadantaa ra! Ay nee: «Ni ti ay Koyoo!»

Zaburey 39:4

Ay binoo ga zarga ay gundoo ra, ay ŋuunuŋuunuyanoo ga tee ya ne nuune, woo ga, ay šintin ka šelaŋ.

Waazukaa 3:2

hayyan waati goo no, buuyan waati goo no, dumayan waati goo no, haya kaŋ dumandi doguyanoo waati goo no,

Waazukaa 8:8

Boro kul si nga hundoo may kʼa ganji a ma hun, boro kul sii nda hini nga buuyanoo zaaroo se. Wongu no kaŋ boro si hun a ra. Goyfutu teekaw goyfutaa si hin kʼa kaa.

Luka 12:20

Amma Irkoy nee a se: ‹Saama, hõ cijinoo hunday ni hundoo ga taandi. Hayey kaŋ nʼnʼi soolu, may no ma duu ey?›

Teegoyey 17:26

Boro folloku nda a na adamize dumi kul tee hala i ma goro laboo kul ga. A na waatey nda borey gorodogey diidewey kayandi.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.

Bangandiroo 1:18

Agay ti baahunantaa, ay bay ka buu, amma nga ne, ay ga huna abada hala abada, buuyan nda alaahara kufal-izey goo ay kone.

Bangandiroo 3:7

«Hantum almalaykaa se kaŋ goo Filadelfi koyraa Egilizoo ra, nee a se: ‹Hayaa ne kaŋ boraa kaŋ ti Irkoy Boro Henanantaa, nga kaŋ ti Cimikoynoo, boraa kaŋ kone Dawda kufal-izoo goo gʼa har, boraa kaŋ ga haya feeri, boro kul si hin kʼa daabu, boraa kaŋ ga haya daabu, boro kul si hin kʼa feeri:

Samiyel 1na 26:10

Dawda nee koyne: «Ay ga žee nda Abadantaa kaŋ ga huna maaɲoo, Abadantaa no ma hin kʼa kar, nga waatoo mma too a ma buu, wala a ma doo wongoo ra i mʼa halaci.