Ayuba 11:8 - Songhai de Gao Bible

⁸ Haya no kaŋ goo beene ka bisa beenaa, macin no nʼgʼa tee? A guusu nda alaahara, macin no nʼgʼa bay?

Ayuba 11:8 ပူးပေါင်းရင်းမြစ်များ

Taarikey 2to 6:18

Amma nda cimi, Irkoy ga kaa ka goro laboo ga adamizey bande wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Ayuba 11:9

Nda nʼnʼa neeši, a kuu nda laboo, a tafay nda teekoo.

Ayuba 22:12

Irkoy nka sii beene, beenaa ra? Guna takaa kaŋ nda handarawey ga mooru!

Ayuba 26:6

Nga do alaahara sii nda sirri, guusu futaa sii nda daabirji.

Ayuba 35:5

Beenaa honnay, guna! Duulawey guna, takaa kaŋ nda i ga mooru ni ga.

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 38:17

Buuyanoo hugoo miɲey feerandi ma ne wala? Ni dii buuyan biyoo hugoo miɲey wala?

Ayuba 7:9

Duulaa ga menne, a koy, takaa din da boro kaŋ zunbu alaahara si willi kate koyne.

Zaburey 103:11

Zama takaa kaŋ nda beenaa goo laboo se beene, takaa din da nga borohennataraa ga beeri nga hunburkey se.

Zaburey 148:13

Yala i ma Abadantaa maaɲoo saabu! Zama nga maaɲoo hinne ka jerandi, nga beeraa ka bisa laboo nda beenaa.

Zaburey 36:6

Abadantaa, ni borohennataraa ga too beenaa ra, ni laadirtaraa ga too hala duulawey do.

Yaasawey 30:4

May ka žigi beenaa ra? May ka zunbu kate? May ka hewoo dii nga kabe gundoo ra? May ka hari haw nga darbaa ra? May ka laboo kanjey kul gorandi? Macin ti nga maaɲoo, macin ti nga izʼaroo maaɲoo? Nʼgʼa bay wala?