Ayuba 11:7 - Songhai de Gao Bible

⁷ Nʼga hin ka Irkoy sirrey bay, ka Hini-kul-koyoo kaŋ tee ka timme bay wala?

Ayuba 11:7 ပူးပေါင်းရင်းမြစ်များ

Ayuba 22:12

Irkoy nka sii beene, beenaa ra? Guna takaa kaŋ nda handarawey ga mooru!

Ayuba 26:14

Aywa, woo ti nga goyey kul ikaccaa. Macin ti ŋuunuŋuunuyanoo kaŋ ir ga maarʼa? May no ma faham nga hinoo jiŋjiŋyanoo se?»

Ayuba 27:11

Ay ga war cawandi haya kaŋ ti Irkoy hinoo, ay si Hini-kul-koyoo hayey tugu war se.

Ayuba 33:12

Ay ga ni bayrandi kaŋ woo ra ni sii nda cimi, zama Irkoy bisa adamize.

Ayuba 33:13

Macin se nʼga yenje wiri a ga, kaŋ se a si ni šenney zaabi se wala?

Ayuba 35:5

Beenaa honnay, guna! Duulawey guna, takaa kaŋ nda i ga mooru ni ga.

Ayuba 36:26

Nga ne, Irkoy ga beeri, amma ir mana faham woo se, nga jiirey hinna si kabandi.

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 37:5

Irkoy jinde kayfantaa ga jiŋjiŋ, a ga haya beeriyaŋ tee kaŋ ir sʼi bay.

Ayuba 42:3

Ni nee: ‹May no ma hayey kaŋ ay baa yʼi tee, tee kubay?› Nda cimi, ay na hayayaŋ har kaŋ ya na faham i se. Ay na hayayaŋ har kaŋ bisa agay, ya nka sʼi bay.

Ayuba 5:9

A ga haya beeriyaŋ tee kaŋ si fahamandi, a ga kayfiyaŋ tee kaŋ si kabandi.

Zaburey 139:6

Bayray kayfantaa woo ga bisa agay, a ga hanse ka bisa ay fahamaa.

Zaburey 145:3

Abadantaa ga beeri, a ga hima nda saabuyan dumi kul, nga beeriyanoo sii nda kaydoo.

Zaburey 77:19

Ni jiŋjiŋoo kaatiroo goo hewkuroo ra, meliyaŋ ga gaay noo aduɲɲa se, laboo jijiri hunburay se.

Yaasawey 30:4

May ka žigi beenaa ra? May ka zunbu kate? May ka hewoo dii nga kabe gundoo ra? May ka hari haw nga darbaa ra? May ka laboo kanjey kul gorandi? Macin ti nga maaɲoo, macin ti nga izʼaroo maaɲoo? Nʼgʼa bay wala?

Waazukaa 3:11

Irkoy na haya kul tee ka boori nga waatoo ra. A na lakkal mo kaŋ gʼa hongandi kaŋ duumiyan ga bara daŋ adamize binoo ra , ka gar adamize si hin ka faham takaa se kaŋ nda Irkoy ga goy kʼa dii za šintinoo ga hala benantaa ga.

Waazukaa 7:24

Hayaa kaŋ ga bara sohõ da ga mooru, a ga guusu ka guusu, may ma hin ka duu a?

Matiyu 11:27

«Ay Baabaa Irkoy na hayey kul daŋ ay kaboo ra. Boro kul si Izʼaroo bay nda manʼti Baabaa Irkoy. Boro kul si Baabaa Irkoy mo bay nda manʼti Izʼaroo, nda boro kaŋ se Izʼaroo baa nga mʼa bangandi.

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.

Korent borey bataga 1na 2:10

Amma Irkoy na hayey wey bangandi ir se nga Hundoo albarkaa ra, zama Irkoy Hundoo ga haya kul fesufesu, ba Irkoy hayey kaŋ ga guusu.

Korent borey bataga 1na 2:16

zama: «May no mʼir Koyoo miilewey bay, hala a ma hin kʼir Koyoo cawandi?» Amma ir, ir duu Almasihu miilewey.

Efez borey batagaa 3:8

Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.