Ayuba 1:8 - Songhai de Gao Bible

⁸ Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu.»

Ayuba 1:8 ပူးပေါင်းရင်းမြစ်များ

Kokoyey 2to 23:25

Kokoy mana bay ka tee sanda Žoziyas takaa kaŋ nda nga binoo kul, nda nga hundoo kul, nda nga gaaboo kul yee kate Abadantaa se ka sawa nda woo kul kaŋ Musa ašariyaa nʼa har. Nga dumaa ga, nga cine mana tee.

Nehemi 5:15

Goforner jinawey kaŋ kaa ay jine ga hanse ka jamaa farandi ka ŋaayan, nda alaneb hari mooro, nda nzorfu kaaray tamma boŋ woytaaci (40) dii i ga, ba ngi tamey ga ngi boŋ tee boŋkoyni jamaa se. Amma agay, Irkoy hunburay se ya na woo tee.

Ayuba 1:1

Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 12:4

Ay tee ay cerey se haarayhaya, agay kaŋ ga Irkoy ŋaaray hala a mʼay zaabi, boro šerrantaa, laadirantaa ti ngi haarayhayaa!

Ayuba 2:1

Han foo Irkoy izʼarey kaa Abadantaa do margari ra, Šaytan mo huru i ra ka kaa margaroo ra Abadantaa do.

Ayuba 2:3

Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu. A cindi nga laadirtaraa ga, nga no nʼgʼay tusa yʼa halaci bila addalil.»

Ayuba 34:14

Nda a gar Irkoy si hongu kala nga boŋ hinne, nda a kate nga ga nga Hundoo nda nga hunsaroo,

Ayuba 8:20

Abada, Irkoy si boro laadirante fur, a si goy futu teekey faaba.

Zaburey 18:23

Nga hantumey kaŋ kayandi kul goo ay jine, ya na nga hantumey moorandi agay.

Zaburey 34:14

Boraa ma hin nga miɲoo, taari masi hun deenoo ga.

Zaburey 36:1

Donkey boŋkoynoo ka woo don. Abadantaa tamoo Dawda dooni ti woo.

Zaburey 37:27

Mooru haya futu, ma haya henna tee, nda woo teendi, nʼga cindi ni dogoo ra waati kul.

Zaburey 84:11

Ka zaari foo tee ni hugoo batumawey ra baa ka zaari zenber (1.000) tee nongu tana ra. Ya kay ay Koyoo hugoo jindoo ga, ay bagʼa nda ya goro boro laala hukkumey cire.

Zaburey 89:20

Waatoo din nʼga šelaŋ ni ganakey se bangayyan ra, nʼga nee: «Ay na wongaari faaba, ka zankaaru jer jamaa game.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Kabuyaney 12:3

Musa ti aru kaŋ ga hanse ka nga boŋ yeeti ganda, nga boŋ-yeeti-gandayanoo cine mana tee laboo ga.

Yehiya 1:47

Isa dii kaŋ Nataniyel goo ma kaa nga do, a šelaŋ a ga ka nee: «Izirayel boro cimoo ne kaŋ ra zanbayan sii.»

Žozuwe 1:2

«Musa, ay tamoo buu. Sohõ tun ka Žurdeŋ isaa deŋ, ni nda jamaa woo kul, ka koy gandaa ra kaŋ ay gʼa noo ngi, Izirayel borey se.

Žozuwe 1:7

Hayaa de kaŋ no ti ma hanse ka albarka daŋ ni boŋ ra, ma bine tee ka hawgay ka dira nda ašariyaa kul kaŋ Musa, ay tamoo nʼa har ma ne. Masi šiiri a se kabe guma here wala iwaawa here, woo ra nʼga tee kayante nongu kul kaŋ ra nʼga koy.