Ayuba 1:21 - Songhai de Gao Bible

²¹ a nee: «Gaa koonu nda ay fatta ay ɲaa gundoo ra, ay gaa koonoo nda ay ga koy. Abadantaa ka noo, Abadantaa ka taa, albarka ma bara Abadantaa maaɲoo ga!»

Ayuba 1:21 ပူးပေါင်းရင်းမြစ်များ

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Šintinoo 30:2

Yakuba futu Rašel ga, de a nee: «Agay ti Irkoy kaŋ na ni ganji hayyan?»

Šintinoo 45:5

Sohõ war masi war boŋ dor, war masi futu nda hayaa kaŋ se war nʼay neere ne ra. War hallasiroo se Irkoy nʼay sanba ne ra war jine.

Samiyel 2to 16:12

A ga hin ka tee Abadantaa mʼay torraa guna ka dangayaney barmay kʼi tee ya ne gomni hõ.»

Kokoyey 1na 12:15

Woo ga, kokoyoo mana haŋajer jamaa se. Nda cimi, woo kul mana hun kala Abadantaa do, hala šennoo kaŋ Abadantaa nʼa har nda Silo boraa Ahiya miɲoo kʼa ka too Nebat izʼaroo Žeroboham do ma tabati.

Kokoyey 2to 20:19

Ezekiyas na Ezayi zaabi ka nee: «Abadantaa šennoo kaŋ nʼnʼa har ga boori», zama Ezekiyas nka nee nga boŋ se: «Ti agay hunday hunaroo ga baani nda lakkalkanay ga bara wala?»

Nehemi 9:5

Lewi borey Yešuwa, nda Kadmiyel, nda Bani, nda Hašabneya, nda Šebaniya, nda Šerebiya, nda Hodiya, nda Šebaniya, nda Petakiya nee: «Wa tun ka war Koyoo Abadantaa saabu abada hala abada. Abadantaa, ni maa daržantaa ma saabandi kaŋ bisa saabuyan kul nda beeray kul!

Ayuba 1:11

Ay gʼa wiri ni ga, ni kaboo too a do, ma tuku haya kul kaŋ ti nga wane ga, sohõ da a ga ni wow kaaray.»

Ayuba 2:10

Amma Ayuba nee: «Nʼga šelaŋ sanda boro saama! Ir ga duu gomni Irkoy do, nga no ir si duu a do ifutu?» Woo kul ra, zunubu mana hun Ayuba deenoo ga.

Ayuba 9:12

May no ma hin ka haya taa kaŋ a nʼa dii? May no ma nee a se: ‹Macin no nʼgʼa tee?›

Zaburey 34:1

Woo ti Dawda zabur foo. A manʼa fay kala waatoo kaŋ a na nga boŋ tee hollokom Abimelek se, Abimelek nʼa gaaray, a koy.

Zaburey 34:2

Ay ga albarka tee Abadantaa se waati kul, nga saaburoo si fay nda ka hun ay miɲoo ra.

Zaburey 39:9

Ay hallasi ay hooyaney kul ra! Masi naŋ saama mʼay wow!

Zaburey 49:17

Masi hunbur nda boro na alman tee, waati kaŋ nga hugoo daržaa beeri,

Waazukaa 12:7

Labuhamnoo ga yee laboo ra kaŋ ra a hun, hundi ma yee Irkoy do kaŋ nʼa noo.

Waazukaa 5:14

Takaa kaŋ nda a fatta ɲaŋoo gundoo ra gaa koonu, takaa din da nga nda a ga hun aduɲɲa ra. Nafaa kaŋ a duu a nga goyoo ra, kaboo si koy nda a ra haya kul nga bande.

Waazukaa 5:15

Woo mo manʼti kala haya futu beeri. A ga koy nda takaa kaŋ nda a kaa, adiši man nafaa kaŋ se boro ga taabi hew se?

Waazukaa 5:19

Kullihinne Irkoy ga adamize binoo too nda ɲaali, a si hongu boobo kaŋ nga aloomuroo si kuu.

Matiyu 20:15

Wala a si hima ya agʼalmanoo tee woo kaŋ ay baa? Ni nka canse kaŋ ay na haya henna tee?›

Teegoyey 4:28

ka hayaa kul tee kaŋ ni kaboo nda ni kayandiroo nʼa dunbandi za gayyan a ma teendi.

Efez borey batagaa 5:20

Alwaati kul, haya kul kaŋ no, war ma albarka tee Irkoy ir Baabaa se ir Koyoo Isa Almasihu maaɲoo ga.

Tesalonik borey bataga 1na 5:18

Wa albarka daŋ Irkoy se haya kul ra, zama woo ti Irkoy ibaayoo war here Almasihu Isa albarkaa ra.

Timote bataga 1na 6:7

Ir mana kate haya kul aduɲɲa ra, ir si hin ka haya kul mo ka koy.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Žak batagaa 5:11

Nga ne, borey kaŋ ga muɲe duu gomni. War maa Ayuba muɲeyanoo alhabaroo, war dii kokoroo kaŋ ir Koyoo nʼa noo a se, ir Koyoo ga hanse ka tamalla, a ga hinna.

Rutti 1:21

Kaŋ ay ga hun ne, borotaray goo ay ga, amma Abadantaa nʼay yeeti kate ay kabe kooney. War masʼay cee koyne nda Nawomi, zama Abadantaa bere ay ga, de Hini-kul-koyoo nʼay kar.»

Samiyel 1na 2:7

Abadantaa no ma boro tee talka, nga no ma boro tee almankoyni. Nga no ma boro kaynandi, nga no ma boro beerandi.

Samiyel 1na 2:8

Yalaafantey kaŋ goo kusaa ra, a gʼi tunandi, a ga talkaa jer kʼa kaa žiiboo ra kʼa gorandi boŋkoyney bande. A gʼi noo i ma kokoy fuula daržante tubu. Zama Abadantaa wane nda laboo ganjey, ngi ga a na aduɲɲa gorandi.

Samiyel 1na 3:18

Woo ga, Samiyel na šenney kul filla a se, a mana haya kul tugu a ga. Eli nee: «Abadantaa no, a ma tee woo kaŋ kan a se.»