Ayuba 1:11 - Songhai de Gao Bible

¹¹ Ay gʼa wiri ni ga, ni kaboo too a do, ma tuku haya kul kaŋ ti nga wane ga, sohõ da a ga ni wow kaaray.»

Ayuba 1:11 ပူးပေါင်းရင်းမြစ်များ

Šintinoo 26:11

Abimelek na gandaa kul gagay ka nee: «Boro kul kaŋ tuku aroo woo do wala nga wandoo, a waazibi boraa ma wiiyandi.»

Ayuba 1:12

Abadantaa nee Šaytan se: «Aywa, ay na ni noo hinay haya kul kaŋ ti nga wane ga, amma ni kaboo masi tuku nga hunday ga.» Woo ga, Šaytan hun Abadantaa do.

Ayuba 1:21

a nee: «Gaa koonu nda ay fatta ay ɲaa gundoo ra, ay gaa koonoo nda ay ga koy. Abadantaa ka noo, Abadantaa ka taa, albarka ma bara Abadantaa maaɲoo ga!»

Ayuba 1:5

Waati kaŋ hoyandey zaarey bisa, Ayuba ga nga zankey cee kate kʼi henanandi. A mma tun subbaahi biya ka sargari kukurante kaa ngi affoo kul se, zama a mma nee nga boŋ se kaŋ a ga hin ka tee kaŋ nga izey na zunubu tee ngi biney ra ka albarka tee Irkoy se. Takaa woo no Ayuba gʼa tee waati kul.

Ayuba 19:21

Ay cerey, war, wa alhormo tee ya ne, wa alhormo tee ya ne, zama Irkoy kaboo too ay do!

Ayuba 2:3

Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu. A cindi nga laadirtaraa ga, nga no nʼgʼay tusa yʼa halaci bila addalil.»

Ayuba 2:5

Amma ay gʼa wiri ni ga, ni kaboo taŋ ka tuku nga birey nda nga hamoo ga, sohõ da a ga ni wow kaaray!»

Ayuba 2:6

Abadantaa nee Šaytan se: «Aywa, ay na ni noo hinay a ga, amma masi too hundoo do.»

Ayuba 2:7

Woo ga, Šaytan hun Abadantaa do. A na Ayuba kar nda gaaham futta laalayaŋ kaŋ fatta kunturoo kul ga, kʼa dii za ceetaamey ga hala boŋgaasoo ga.

Ayuba 2:9

Ayuba wandoo nee a se: «Ni goo ni laadirtaraa ga hala hõ! Irkoy wow ma buu!»

Ayuba 4:5

Sohõ kaŋ a too ni do nʼga binehunay. Sohõ kaŋ woo tuku ni ga, nʼga zalba!

Zaburey 105:15

A nee: «War masi tuku ay suubantey kaŋ yonandi ga, war masi albasi tee agay annabey se!»

Bangandiroo 12:10

Woo banda ga, ay maa jinde beeri foo beenaa ra kaŋ ga nee: «Sohõ hallasiroo, nda gaaboo, nda ir Irkoy Laamaa, nda nga Almasihu hinoo waatoo too, zama ir armey wurrukaa, kaŋ gʼi wurru ir Irkoy jine cijin nda zaari, warrandi ganda.

Bangandiroo 16:11

I ga beenaa Koyoo wow ngi dorawey nda futtawey maaganda se. I mana tuubi ngi teegoyey ra.

Bangandiroo 16:21

Gari beeriyaŋ kaŋ affoo kul ga too kilo woytaaci cindi guu (45) cine tiŋyan hun beenaa ra ka kaŋ adamizey boŋ, adamizey ga Irkoy wow garey bonaa se, zama bonaa ga hanse ka beeri.

Bangandiroo 16:9

Konni beeri na borey kukuray. I na Irkoy maaɲoo wow kaŋ goo nda hini bonawey wey ga. I wanji ka tuubi ka darža daŋ a ga.