Ayuba 1:1 - Songhai de Gao Bible

¹ Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 1:1 ပူးပေါင်းရင်းမြစ်များ

Šintinoo 10:23

Aram izʼarey ti: Utus, nda Hul, nda Geter, nda Maš.

Šintinoo 17:1

Waatoo kaŋ Ibirim duu jiiri woyyagga cindi yagga (99), Abadantaa bangay Ibirim se, a nee a se: «Agay ti Irkoy, Hini-kul-koyoo. Ma dira ay fondaa ra, ma henan.

Šintinoo 22:12

Almalaykaa nee a se: «Ni kaboo masi ziira zankaa do, de mo masi baffoo tee a se, zama sohõ ay bay kaŋ nʼga hunbur Irkoy, ni ize bajja follokaa, manʼa ka wanji a se!»

Šintinoo 36:28

Dišaŋ izʼarey ti Utus nda Araŋ.

Šintinoo 42:18

Jirbi hinzantoo hane Isufi nee i se: «Wa hayaa tee kaŋ ay gʼa har hala war ma duu ka huna. Boro ti agay kaŋ ga hunbur Irkoy!

Šintinoo 6:9

Woo ti Nuhu fillaa. Nuhu manʼti kala boro šerrante kaŋ ga henan nga alwaddaa ra. A na Irkoy gana.

Kokoyey 2to 20:3

«Ay gʼa wiri ni ga, Abadantaa, ma hongu kaŋ ay dira ni jine nda laadirtaray nda ay binoo kul, de mo ay na haya tee kaŋ ga kan ma ne!» Woo banda ga, Ezekiyas hanse ka hẽe.

Taarikey 1na 1:17

Sem izʼarey ti: Elam, nda Ašur, nda Arfazad, nda Lud, nda Aram, nda Utus, nda Hul, nda Geter, nda Mešek.

Taarikey 1na 1:42

Eser izʼarey ti: Bilhaŋ, nda Zawaŋ, nda Yakaŋ. Dišaŋ izʼarey ti: Utus nda Araŋ.

Ayuba 1:8

Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu.»

Ayuba 2:3

Abadantaa nee Šaytan se: «Ni dii ay tamoo Ayuba wala? Nga cine sii laboo ga, aru no kaŋ ga laadir a ga šerre. A ga hunbur Irkoy, a ga nga boŋ moorandi ifutu. A cindi nga laadirtaraa ga, nga no nʼgʼay tusa yʼa halaci bila addalil.»

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Ayuba 4:6

Ni Irkoy hunburaa si tee ni naanaa wala? Ni laadirtaraa si tee ni naataa wala?

Ayuba 9:21

Ay ga laadir wala? Ay si huga nda ay boŋ. Ay konna ay hunayanoo.

Fattaroo 18:21

Ni, ma aru alkadaranteyaŋ suuba jamaa ra kaŋ ga hunbur Irkoy, laadiranteyaŋ kaŋ si zanba. I daŋ jamaa jine: boro zenber foo (1.000) kul ma affoo daŋ i jine, boro zangu (100) kul ma affoo daŋ i jine, boro woyguu (50) kul ma affoo daŋ i jine, boro woy (10) kul ma affoo daŋ i jine.

Yaasawey 14:16

Lakkalkoyni ga hunbur, a ga mooru ifutu, lakkal jaŋante si nga boŋ dii, a ga naanay nga boŋ.

Yaasawey 14:2

Boro kaŋ ga hanga fondo šerrante ga hunbur Abadantaa, boro kaŋ ga hanga fondo golbante mmʼa kaynandi.

Yaasawey 16:17

Boro šerrantey fondaa ti ka hibi ifutu ga, boro kaŋ ga lakkal daŋ nga fondaa se ga nga hundoo hawgay.

Yaasawey 16:6

Borohennataray nda cimi ga kate laybu ma yaafandi, Abadantaa hunburaa ga kate boro ma mooru ifutu.

Yaasawey 20:7

Boro šerrante ga hanga fondo laadirante, izey ga duu gomni dumaa ga.

Yaasawey 3:7

Masi ni boŋ dii lakkalkoyni, hunbur Abadantaa, ni boŋ moorandi ifutu.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Luka 1:6

Ngi boro hinkaa kul ti boro šerranteyaŋ Irkoy jine. I ga dira nda cimi ir Koyoo yaamarey nda nga ašariyawey bande.

Alhukumoo 18:13

Ni dira takaa ma henan Abadantaa, ni Koyoo bande.

Žak batagaa 5:11

Nga ne, borey kaŋ ga muɲe duu gomni. War maa Ayuba muɲeyanoo alhabaroo, war dii kokoroo kaŋ ir Koyoo nʼa noo a se, ir Koyoo ga hanse ka tamalla, a ga hinna.

Piyer bataga 1na 3:11

A ma mooru ifutu ka ihenna tee, a ma alaafiya ceeci ka gaabandi a bande.