Alkaaley 9:4 - Songhai de Gao Bible

⁴ I nʼa noo nzorfu kaaray tamma boŋ woyye (70) Bal-Berit hugoo ra. Nooroo woo nda Abimelek na aru fuyyanteyaŋ nda yaara-yaarakawyaŋ bana, i hanga a bande.

Alkaaley 9:4 ပူးပေါင်းရင်းမြစ်များ

Samiyel 2to 6:20

Dawda yee kate ka gaara nga hugoo se, Sawul ize woyoo Mikal fatta kʼa kubay ka nee a se: «Hũ, Izirayel kokoyoo na nga boŋ cebe hõ, a na nga boŋ gaa koonandi nga goykey koŋŋey jine ka nga boŋ tee ni mma nee boro yaada.»

Taarikey 2to 13:7

Boro yaadayaŋ, maanaa boro yaamuyaŋ kaa ka marga a do ka kay Sulaymaana izʼaroo Roboham se. Roboham ga zanka, a sii nda gaabi ka kay i se.

Ayuba 30:8

Boro yaada izeyaŋ no, boroyaŋ no kaŋ sii nda beeray. I nʼi kar kʼi gaaray gandaa ra.

Yaasawey 12:11

Boro kaŋ ga nga laboo beeri ga kungu ŋaayan ra, boro kaŋ ga hanga haya yaadayaŋ sii nda lakkal.

Teegoyey 17:5

Amma Alyahuudey canse, i na boro laala fooyaŋ zaa furkey ra. I na koyraa borey marga-marga kʼi daŋ cere ra. I koy Žasoŋ hugoo do kʼi ceeci ka koy nda ey jamaa jine.

Alkaaley 11:3

Kaŋ woo tee, Žefte zuru ka hun nga armey ra ka koy goro Tob gandaa ra. Aru fuyyanteyaŋ marga Žefte jere. I ga fatta a bande ka windi.

Alkaaley 8:33

Žedewoŋ buuroo banda ga, Izirayel borey yee ka šintin ka izefututaray tee Bal toorey bande. I na Bal-Berit tee ngi koyoo.

Alkaaley 9:27

I koy hawsaa ra ka ngi alaneb faarey hegay, ka alaneb-izey motti ka daame. I koy ngi tooroo hugoo do, i ŋaa i haŋ, i na Abimelek danga.

Samiyel 1na 22:2

Borey kul kaŋ ga fara, nda borey kaŋ ga garaw goo, nda borey kaŋ biney gʼi maray kaa ka marga a do, a tee ngi boŋkoynoo. Aru zangu taaci (400) cine bara a bande.