Alkaaley 3:4 - Songhai de Gao Bible

⁴ Dumey wey nda Izirayel borey siyandi ka bay wala i ga haŋajer Abadantaa yaamarey se kaŋ a nʼi har ngi baabey se Musa bande.

Alkaaley 3:4 ပူးပေါင်းရင်းမြစ်များ

Fattaroo 15:25

A kaati ka Abadantaa cee, Abadantaa na bundu dumi cebe a se. Musa nʼa warra haroo ra, haroo bere ka tee haya kaŋ si hottu. No din ra a na ašariyayaŋ nda yaamaryaŋ gorandi jamaa se. No din da ra a nʼi sii.

Korent borey bataga 1na 11:19

Kala mo kondayyaŋ ma bara war game hala borey kaŋ ga laadir ma bayrandi.

Alhukumoo 33:8

Lewi ga, a nee: «Abadantaa, ni alkurraa goy jinawey kaŋ ti Tumim nda Urim mana talfandi kala boraa ga kaŋ laadir ni here, boraa no kaŋ nʼnʼa sii Masa (maanaa ‹siiyan›), boraa kaŋ ga nʼna yenje wiri Meriba (maanaa ‹yenje›) haroo do.

Alhukumoo 8:2

Ma hongu fondaa kul kaŋ nda Abadantaa, ni Koyoo na ni ka bisa jiiri woytaacaa (40) woo ra saajoo ra, ka ni yeeti ganda, ka ni sii, hala nga ma hayaa bay kaŋ goo ni binoo ra, ka guna wala nʼga nga yaamarey dii wala nʼsʼi dii.

Alkaaley 2:22

Woo ra ay ga Izirayel sii ka dii wala Abadantaa fondaa kaŋ ngi baabey gana, i gʼa gana wala i sʼa gana.»

Alkaaley 3:1

Dumey ne kaŋ Abadantaa nʼi naŋ gandaa ra hala nga ma Izirayel sii nda ey, wey din kul kaŋ mana dii Kanaŋ wongey.