Alkaaley 21:25 - Songhai de Gao Bible

²⁵ Alwaatey din ra, kokoy sii Izirayel ra. Boro foo kul ga tee haya kaŋ kan a se.

Alkaaley 21:25 ပူးပေါင်းရင်းမြစ်များ

Zaburey 12:4

Yala Abadantaa ma meekaanawey kul halaci, miɲey kaŋ ga šelaŋ nda bolsay,

Yaasawey 14:12

A ga hin ka tee adamize ma tammahã kaŋ nga goo fondoo šerrante ga, ka gar kokoroo ti fondo kaŋ ga koy buuyan here.

Yaasawey 3:5

Ma ni binoo kul ka ni naanaa daŋ Abadantaa ra, masi felle ni fahamaa ga.

Waazukaa 11:9

Aru soogaa, daame ni soogataraa ra, ni binoo ma ni daŋ gomni ra ni zankataraa zaarey ra, hanga ni bine-ibaayoo nda woo kaŋ ga kan ni moɲey se, amma ma bay kaŋ Irkoy ga ni ciiti hayey wey kul se.

Alhukumoo 12:8

War masi takaa tee kaŋ ir goo mʼa tee hõ kaŋ ti boro kul ga haya tee kaŋ kan a se.

Alkaaley 17:6

Alwaatey din ra, kokoy sii Izirayel ra. Boro kul ga tee haya kaŋ kan a se.

Alkaaley 18:1

Alwaatey wey ra kokoy sii Izirayel ra, alwaatoo woo ra mo Dan borey alkabiilaa ga nongu ceeci kaŋ ra ngi ga goro, zama hala waatoo woo baa kul mana nondi i se Izirayel borey alkabiilawey game.

Alkaaley 18:7

Aru guwaa koy, i too Layiš. I gar kaŋ jamaa kaŋ goro a ra goo alaafiya ra sanda Sidoŋ borey takaa, i goo baani nda lakkalkanay ra. Gandaa ra boro kul si ni ceroo šiita. I ga mooru Sidoŋ borey, haya kul sii ngi nda boro kul game.

Alkaaley 19:1

Alwaatey wey ra kokoy sii Izirayel ra. Lewi aru foo kaŋ taabuši Efrayim tondi hondey koroo ra na wahay kaŋ hun Betelehem kaŋ goo Žuda zaa ka goro nda a.

Alkaaley 21:24

Alwaatoo din, Izirayel borey hun no din, boro foo kul koy nga alkabiilaa ra nda nga hugoo do, i hun no din, boro foo kul koy nga laboo ra.