Alkaaley 21:22 - Songhai de Gao Bible

²² Nda ngi baabey wala armey kaa ka war wurru ir do, ir ga nee i se: ‹Wa alhormo tee i se, ir mana hin ka duu woy ngi affoo-foo kul se wongoo ra. Manʼti war kʼi noo woy, war mana tooɲe.›»

Alkaaley 21:22 ပူးပေါင်းရင်းမြစ်များ

Šintinoo 1:27

Irkoy na boro taka hala a ma hima nda nga. Nga himakasinaa no kaŋ a nʼa taka. A nʼi taka kʼi tee aru nda woy.

Šintinoo 7:13

Hanoo din hunday no Nuhu nda nga izʼarey kaŋ ti Sem, nda Šam, nda Žafet, nda Nuhu wandoo, nda nga izʼarey wande hinza huru harihiyoo ra,

Yaasawey 20:25

Kumsay no adamize se a ma cahã ka nee: «Woo jisandi jere ga Irkoy se» ka miile meefur zaayan banda ga.

Korent borey bataga 1na 7:2

Amma hala boro ma mooru woy nda aru izefututaray ga, aru foo kul ma bara nda nga boŋ wandoo, de mo woy foo kul ma bara nda nga boŋ kurɲoo.

Alkaaley 21:1

Mispa koyraa ra Izirayel borey žee ka nee: «Boro kul ir ra si nga ize woyoo hiijandi Benžameŋ boro se.»

Alkaaley 21:14

Alwaatoo woo Benžameŋ borey yee kate. Izirayel borey nʼi noo woyey kaŋ cindi kaŋ mana wiiyandi kaŋ i duu ey Yabeš kaŋ goo Galad. Amma woyey hinnaa si too i se.

Alkaaley 21:18

Amma ir, Izirayel borey, ir si hin kʼi noo ir ize woyey i ma tee ngi wandey, zama ir nka žee ka nee: ‹Boraa ma laali kaŋ na Benžameŋ boro noo wande.›»

Alkaaley 21:7

Benžameŋ arey kaŋ cindi, man ra ir ga duu i se woy hiijay se, zama ir nka žee nda Abadantaa kaŋ ir sʼi noo ir ize woyey i ma hiiji ey?»