Alkaaley 20:25 - Songhai de Gao Bible

²⁵ Jirbi hinkantoo woo, Benžameŋ borey fatta Gibeya kʼi kubay. I na boro zenber woy cindi yaaha (18.000) kar ganda Izirayel borey ra koyne, borey wey kul manʼti kala takubakoyniyaŋ.

Alkaaley 20:25 ပူးပေါင်းရင်းမြစ်များ

Šintinoo 18:25

Woo manʼti ni goyoo: ka boro šerrantey halaci ifutawey bande taka kaŋ ra išerrantey nda ifutawey kul ma tee afolloku. Woo manʼti ni goyoo! Ni kaŋ ga aduɲɲa kul ciiti, manʼti cimi nda nʼga ciiti wala?»

Šintinoo 49:27

Benžameŋ manʼti kala ganjihanši kaŋ ga kotta. Subbaahoo ra, a ga hayaa ŋaa kaŋ a duu a, cijinoo ra, a ga nga alganiimaa zamna.»

Zaburey 97:2

Duula nda kubay koma gʼa kuubi kʼa bere, šerretaray nda cimi ti nga kokoytaraa asaasoo.

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Rom borey batagaa 3:5

Amma nda ir šerretaray jaŋaa ga Irkoy šerretaraa cebe, macin no ir ma nee? Irkoy nka si šerre waati kaŋ a ga nga futayyanoo doori? – Adamize takaa nda ay ga šelaŋ. –

Alkaaley 20:21

Benžameŋ borey fatta Gibeya, i na Izirayel boro zenber waranka cindi hinka (22.000) kar ganda.

Alkaaley 20:24

Izirayel borey koy man Benžameŋ borey jirbi hinkantoo hane.

Alkaaley 20:26

Izirayel borey kul, jamaa kul žigi ka koy Betel, i hẽe ka cindi no din Abadantaa jine. Hanoo din, i meehaw hala cijinoo ra, i na sargari kukuranteyaŋ nda alaafiya teendi sargariyaŋ kaa Abadantaa jine.