Alkaaley 19:16 - Songhai de Gao Bible

¹⁶ Nga ne, cijinoo ra, aru žeena foo kaŋ ga hun nga faarey do, aroo manʼti kala Efrayim tondi hondey boro, taabuši no Gibeya, ka gar nongoo din borey manʼti kala Benžameŋ boroyaŋ.

Alkaaley 19:16 ပူးပေါင်းရင်းမြစ်များ

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Zaburey 104:23

Adamize ga fatta ka koy nga goydogoo ra, a ga cindi nga goydogoo ra hala alaasaroo ra.

Zaburey 128:2

Nʼga daame nda ni kabe goyoo nafaa. Ni duu gomni, binekaanay ti ni wane.

Yaasawey 13:11

Alman kaŋ duwandi taka šiira ra ga dere nda cahãyan, alman kaŋ margandi kayna-kayna ga gooru.

Yaasawey 14:23

Farayan kul goo nda nga banaa, šenni yaada ga boro ka kaŋ talkataray ra.

Yaasawey 24:27

Ni goyey tee ka boori taraa ra, ma ni faaroo hanse, nga banda ga, ma ni hugoo cin.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 5:12

Ay dii haya futu beeri foo waynaa cire kaŋ ti boro ga alman marga kaŋ ga kate ni ga bone.

Efez borey batagaa 4:28

Boro kaŋ ga zay, a ma fay nda zaytaray, a ma gaabandi ka [nga] kabey ka goy henna tee hala a ma hin ka tilasante faaba.

Tesalonik borey bataga 2to 3:10

Koyne mo waatoo kaŋ ir cindi war do, ir na war yaamar nda šennoo woo ka nee: «Boro kaŋ si baa goy masi ŋaa.»

Alkaaley 19:1

Alwaatey wey ra kokoy sii Izirayel ra. Lewi aru foo kaŋ taabuši Efrayim tondi hondey koroo ra na wahay kaŋ hun Betelehem kaŋ goo Žuda zaa ka goro nda a.

Alkaaley 19:14

I bisa ka koy ngi fondaa ra, waynaa goo ma kaŋ kaŋ i man Gibeya kaŋ ti Benžameŋ alkabiilaa wane.

Alkaaley 19:15

I kuubi ka koy cijinoo tee Gibeya. I huru, i kay koyraa farroo ra. Amma boro kul manʼi zumandi nga do hala i ma kani.

Alkaaley 19:17

Aru žeenaa na boŋoo jer, a ga dii naarukaa koyraa farroo ra. A nee: «Man ra nʼga koy? Man ra ni hun?»