Alkaaley 17:2 - Songhai de Gao Bible

² a nee nga ɲaa se: «Nzorfu kaaray tamma boŋ zenber foo nda zangoo (1.100) kaŋ i nʼi dii ni ga kaŋ se nʼna dangayan har ay jinoo ra, guna, agay kone nzorfoo goo. Agay no kʼa zaa.» Ɲaŋoo nee: «Ay izoo, yala Abadantaa albarkaa ma huru ni ra.»

Alkaaley 17:2 ပူးပေါင်းရင်းမြစ်များ

Šintinoo 14:19

A gaara Ibirim se ka nee: «Irkoy Jerantaa kaŋ wane beenaa nda laboo ma albarka daŋ Ibirim ra!

Nehemi 13:25

Ay citi i ga, ay nʼi danga. Ay na affooyaŋ kar, ay na affooyaŋ hinbirey dogu. Ay nee i ma žee nda Irkoy ka nee: «War si war ize woyey nda war izʼarey noo i se hiijay, war si ngi ize woyey nda ngi izʼarey zaa hiijay.

Zaburey 10:3

Boro laalaa ga fooma nda hayaa kaŋ a ga bagʼa, albahiiri ga Abadantaa wow, a gʼa ɲooɲo.

Fattaroo 20:7

Masi Abadantaa, ni Koyoo maaɲoo cee bila addalil, zama Abadantaa si boro naŋ kaŋ ga nga maaɲoo cee bila addalil.

Yaasawey 28:24

Boro kaŋ na nga baaba wala nga ɲaa kabey koonandi de a ga nee: «Manʼti goy futu no», boraa nda kayrakaw kul ti affoo.

Matiyu 26:74

A šintin ka nga boŋ danga ka žee ka nee: «Ay si boraa woo bay.» Dogoo din da gorgaa ciya.

Rom borey batagaa 9:3

Agay hunday baa ya laali, ya mooru Almasihu, ay armey dogoo ra kaŋ ti ay dumoo gaaham here.

Korent borey bataga 1na 16:22

Boro kaŋ si baa ir Koyoo, boraa ma laali. Maranata! (maanaa «kaa, ir Koyoo!»)

Alhukumoo 27:16

Boraa laali kaŋ ga nga baabaa nda nga ɲaa kaynandi. Jamaa kul ga nee: ‹Amin.›

Yehiya bataga 2to 1:11

zama boro kaŋ nʼa foo, boraa huru a bande nga goy futawey ra.

Alkaaley 17:1

Aru foo goo Efrayim tondi hondey ra kaŋ maaɲoo ti Mika,

Alkaaley 17:3

A na nzorfu kaaray tamma boŋ zenber foo nda zangoo (1.100) yeeti ɲaŋoo ga. Ɲaŋoo nee: «Ay ga nzorfoo woo yeeti jere ga Abadantaa se, hala ya duu kʼa mennandi kʼa tee tooru assuura ni, ay izʼaroo se. Sohõ ay gʼa yeeti ni ga.»

Alkaaley 5:23

Wa Meroz koyraa danga, Abadantaa almalaykaa kʼa har, wa nga gorokey danga, zama i mana kaa ka Abadantaa faaba, ka tonton wongaarey ga ka Abadantaa faaba.

Rutti 3:10

Bowazu nee a se: «Ay izoo, Abadantaa ma albarka daŋ ni ra. Woo kaŋ ni ne kʼa tee ga cebe ir se takaa kaŋ nda nʼga hanse ka baa ni nzura woyoo hugey borey ka bisa ba cee jinaa. Mana aru sooga almankoyni wala woo kaŋ sii nda alman ceeci a ma baa ni.

Samiyel 1na 14:24

Izirayel borey hottu hanoo din. Sawul na nga borey žeendi ka nee: «Boraa ma laali kaŋ ŋaa za almaaroo mana too, za ya nʼay boŋ faasa agay iberey ra.» Za waatoo woo boro kul mana haya kul ŋaa.

Samiyel 1na 14:28

Jamaa ra boro foo nee a se: «Ni baabaa nʼi žeendi ka nee: ‹Boraa ma laali kaŋ ŋaa hõ.› Ka gar borey fara.»

Samiyel 1na 15:13

Samiyel koy Sawul do, Sawul nee a se: «Abadantaa ma albarka daŋ ni ra. Ay na Abadantaa šennoo tee.»

Samiyel 1na 23:21

Sawul nee: «Abadantaa ma albarka daŋ war ra, zama war hinna ya ne.

Samiyel 1na 26:19

Sohõ ay koyoo, ay kokoyoo, ay gʼa wiri ni ga, haŋajer agay, ni tamoo se, nda Abadantaa no ma ni daŋ ma ifutu tee ya ne, ay ga sargari kaa a se hala a mʼay yaafa, amma nda adamizeyaŋ no, yala i ma laali Abadantaa jine, zama i gʼay gaarandi kʼay kaa Abadantaa tuboo ra kaŋ ti nga jamaa ka nee ya ne: ‹Koy koy tanayaŋ gana.›