Alkaaley 16:4 - Songhai de Gao Bible

⁴ Woo banda ga, Samsoŋ baa woy foo Sorek gooroo ra. Maaɲoo manʼti kala Dalila.

Alkaaley 16:4 ပူးပေါင်းရင်းမြစ်များ

Kokoyey 1na 11:1

Kokoyoo Sulaymaana na dumi tanayaŋ woy boobo bajoo zaa, kʼi tonton Firawuuna ize woyoo ga. Mowab boro woyyaŋ goo i ra, nda Amoŋ boro woyyaŋ, nda Edom boro woyyaŋ, nda Sidoŋ boro woyyaŋ, nda Heti boro woyyaŋ.

Nehemi 13:26

Manʼti woo da cine se Izirayel kokoyoo Sulaymaana kaŋ zunubu ra wala? Ganda boobaa woo kul ra Sulaymaana cine mana tee, nga Koyoo ga bagʼa, de Irkoy nʼa tee Izirayel kul se kokoy, amma woo kul, woy yawey na nga mo kaŋandi zunubu ra.

Yaasawey 22:14

Woy waani miɲoo manʼti kala guusu kuku, boro kaŋ ga Abadantaa futu ga kaŋ a ra.

Yaasawey 23:27

Zama woykuuru manʼti kala guusu kuku, woy kaŋ nʼsʼa bay manʼti kala day kankamante.

Yaasawey 26:11

Sanda hanši kaŋ ga yee hayaa ga kaŋ a nʼa yeeri, nga ti lakkal jaŋante kaŋ yee nga saamataraa ga.

Yaasawey 27:22

Ba nda nʼna lakkal jaŋante dur tinda ra nda hinji attamoo ra, nga lakkal jaŋantetaraa si fay nda a.

Korent borey bataga 1na 10:6

Hayey wey teendi hala i ma tee ir se himakasineyaŋ, hala ir masi haya laaley boonay sanda takaa kaŋ nda ngi, i nʼi boonay.

Alkaaley 16:3

Samsoŋ cindi a ga kani hala cijinoo gamoo ga. Cijinoo gamoo ra, a tun, a na koyraa miɲoo ganbey, nda caraw hinkaa, nda bundu kaŋ ga koyraa miɲoo kufal dogu, a nʼi jere nga jesoo ga, a nʼi ka koy tondi hondoo boŋoo ga kaŋ goo Hebroŋ tenje.

Alkaaley 16:5

Filisti borey boŋkoyney žigi ka koy Dalila do, i nee a se: «Samsoŋ fafagay ka dii takaa kaŋ ti nga gaabi beeroo woo, nda takaa kaŋ nda ir ga hin a, woo ra ir gʼa haw ka gaaboo kaccandi. Ir boro foo kul ga ni noo nzorfu kaaray tamma boŋ zenber foo nda zangu (1.100).»