Alhukumoo 8:8 - Songhai de Gao Bible

⁸ Alkama, nda orž, nda alanebɲaa, nda jeejayɲaa, nda grenadɲaa, nda zaytuɲaa jiyoo, nda yuu ganda no.

Alhukumoo 8:8 ပူးပေါင်းရင်းမြစ်များ

Šintinoo 49:11

Žuda ga nga farkaa haw alanebɲaŋoo ga, alanebɲaa hennaa ga nga farka-izoo ga hawa. Alaneb hari mooraa ra a ga nga bankaaraa ɲumandi, alaneb-izoo hari ciraa ra a ga nga darbay beeroo ɲumandi.

Samiyel 2to 4:6

I huru hala hugoo gundoo ra, i tee sanda ngi mma koy alkamaa zaa, dogoo din da i na Iš-Bošet hay gundoo ra. Woo banda ga, Rekab nda nga armaa Baana zuru.

Kokoyey 1na 5:11

A goo nda lakkal ka bisa borey kul, a goo nda lakkal ka bisa ba Etaŋ, Ezra boraa wanoo. A goo nda lakkal ka bisa Mahol izʼarey kaŋ ti Hemaŋ, nda Kalkol, nda Darda. Maaɲoo huru gandawey kul ra kaŋ gʼa kuubi kʼa bere.

Kokoyey 2to 18:32

hala waati kaŋ ay kaa ka war zaa ka koy nda war ganda ra kaŋ ga hima war gandaa, ganda kaŋ ra taasu nda alaneb hari goo, ŋaayan nda alaneb faari ganda, zaytuɲaa jii nda yuu ganda. Woo ra war ga huna, war si buu.› Adiši war masi haŋajer Ezekiyas se kaŋ ga baa nga ma war derandi ka nee war se kaŋ Abadantaa ga war kaa kabe ra.

Zaburey 147:14

A ga alaafiya tabatandi ni gandaa ra, a ga ni kungandi nda alkama henna.

Zaburey 81:16

Borey kaŋ ga konna Abadantaa ga yee a se ganda, ngi zukandoo waatoo si ben hala abada.

Kabuyaney 13:23

I too hala Eškol gooroo do kaŋ i na alanebɲaa kabe kaŋ ga alaneb-izeyaŋ fafa beeri foo goo dunbu, boro hinka kʼa zaa nda bundu. I na grenad-izeyaŋ nda jeejayyaŋ mo zaa.

Yehiya 6:13

I nʼi marga, i na kokondo woy cindi hinka (12) too nda woo kaŋ cindi orž takula guu dunbu-dunbantey ŋaayanoo banda ga.

Yehiya 6:9

«Zankaaru foo goo ne kaŋ kone orž takula guu nda hamiisa hinka goo, amma macin no woo gʼa hanse alžama beeroo se?»

Alhukumoo 32:13

A nʼa dirandi gandaa hodaddawey ra kʼa ŋandi faarey izey, tondi yuu no a gʼa sunsumandi, a gʼa noo jii kaŋ nin tondi ra.

Alhukumoo 32:14

A gʼa noo haw waahoonu, nda feeji waa, nda feeji-ize maani, nda Bašaŋ gaarey, nda jindaarey maanoo, nda alkama farin hamni. Nʼga alaneb-izey haroo haŋ nda alaneb hari moora.

Alhukumoo 6:3

Adiši ma haŋajer, Izirayel, ma hawgay kʼi ka dira, hala ma duu gomni, de war ma gooru ganda ra kaŋ ra waa nda yuu ga tee hari, sanda takaa kaŋ nda Abadantaa, ni baabey Koyoo nʼa har ma ne.

Alhukumoo 8:7

Abadantaa, ni Koyoo ga ni daŋ ganda henna ra, ganda kaŋ ra hari ga dandi, hariɲaayaŋ goo no, nda hariyaŋ kaŋ ga fatta goorey ra nda tondi hondey ra.

Alhukumoo 8:9

Ganda no kaŋ ra nʼga ŋaa bila alhuzun, haya kul si ni kuma. Ganda no kaŋ tondey manʼti kala guuru, de nʼga guuru ciray kaa tondi hondey ra.