Alhukumoo 8:15 - Songhai de Gao Bible

¹⁵ A na ni ka dira saaji beeri hunburantaa woo ra, gondi naajikoyni, nda donton, nda jaw, nongu kaŋ ra hari sii gandaa ra. A na hari dandandi kʼa kaa ma ne tondi ra.

Alhukumoo 8:15 ပူးပေါင်းရင်းမြစ်များ

Zaburey 105:41

A na tondoo feeri, hari fatta, a doori ka koy sanda isa saajey ra.

Zaburey 114:8

kaŋ ga tondidoo bere kʼa tee hari kaydoo, ka tondi tee hari dandidoo.

Zaburey 136:16

Nga no ka nga jamaa gongu saajoo ra, zama nga borohennataraa si ben abada.

Kabuyaney 20:11

Woo banda ga, Musa na nga kaboo jer ka tondoo kar nda nga goboo cee hinka. Hari boobo fatta, jamaa nda ngi jawdey haŋ.

Kabuyaney 21:6

Woo ga, Abadantaa na gondi naajikoyniyaŋ sanba jamaa ga. I na jamaa ɲama, de boro boobo buu Izirayel jamaa ra.

Korent borey bataga 1na 10:4

de mo i kul na haŋhaya follokaa haŋ kaŋ Irkoy nʼa noo, zama i ga hayaa kaŋ Irkoy nʼa noo haŋ tondoo ra, tondoo manʼti kala Almasihu.

Alhukumoo 1:19

«Woo banda ga, Abadantaa, ir Koyoo yaamaroo ga, ir hun Horeb tondi hondoo do ka saaji beeri hunburantaa woo kul kaŋ war dii a dunbu ka bisa, ka hanga fondaa kaŋ ga koy Amor borey tondi hondey do, ir too Kadeš-Barneya.

Alhukumoo 32:13

A nʼa dirandi gandaa hodaddawey ra kʼa ŋandi faarey izey, tondi yuu no a gʼa sunsumandi, a gʼa noo jii kaŋ nin tondi ra.