Alhukumoo 7:21 - Songhai de Gao Bible

²¹ Masi jiti ngi maaganda se, zama Abadantaa, ni Koyoo goo war game, Koy beeri no, hunburhaya no.

Alhukumoo 7:21 ပူးပေါင်းရင်းမြစ်များ

Taarikey 2to 32:8

Nga, adamize gaabi bara a bande, amma Abadantaa, ir Koyoo bara ir bande, a ga kaa kʼir faaba, a ga wongu ir se.» Woo ga, jamaa na Žuda kokoyoo Ezekiyas šenney dii.

Nehemi 1:5

Ay nee: «Ay gʼa wiri ni ga, Abadantaa, nʼga beeri, hunburhaya ti ni, ni kaŋ ga amaana too, nʼga laadir borey se kaŋ ga baa ni, wey kaŋ ga ni yaamarey dii.

Nehemi 4:14

Nongu kul kaŋ ra war goo, nda war maa hilloo jindoo, war ma kaa ka marga ir jere, ir Koyoo ga wongu ir se.»

Nehemi 9:32

Sohõ ir Koyoo, Irkoy beeroo, Hinikoyoo kaŋ ti hunburhaya, ni kaŋ ga amaana too, kaŋ ga borohennataray tee, zaraboo kaŋ duu ir, nda ir kokoyey, nda ir boŋkoyney, nda ir sargari juwalkey, nda ir annabey, nda ir baabey, nda ni jamaa kul za Asiri kokoyey waati hala hõ, masʼa guna sanda haya kaccu.

Zaburey 27:1

Woo ti Dawda zabur foo. Abadantaa ti ay gaayoo, nga ti ay hallasiroo. May no ay ga hunbur a? Abadantaa ga ay hundoo ga talfi, may jine ay ga jiti?

Zaburey 46:11

A nee: «Wa kay, war ma bay kaŋ agay ti Irkoy! Ay hinoo goo gandawey boŋ, a goo laboo boŋ.»

Zaburey 46:5

Isa hari bisadogey ga Irkoy koyraa ɲaalandi, Koy Jerantaa gorodogey nongu henanantaa no.

Zaburey 46:6

Irkoy goo gundoo ra, koyraa si hun dogoo ra, za moo boo, Irkoy faabaroo ga kaa.

Zaburey 46:7

Gandawey ga kaati, kokoytarawey ga zinji-zinji, Irkoy jindoo fatta, laboo ga menne.

Zaburey 47:2

Gandawey kul borey, wa kobi! Wa jinde jer ka kaati nda ɲaali Irkoy se!

Zaburey 68:35

Wa Irkoy gaaboo bay Izirayel ga, wa nga boŋkoynitaraa nda nga gaaboo bay duulawey ra.

Zaburey 89:8

Irkoy ga hunburandi boro henanantey margaroo ra, a ga beeri, hunburhaya no borey se kaŋ gʼa kuubi kʼa bere.

Zaburey 95:3

Zama Abadantaa manʼti kala Koy beeri, Kokoy beeri no kaŋ goo koyey kul boŋ.

Fattaroo 29:45

Ay ga goro Izirayel borey game, ay ga tee ngi Koyoo.

Kabuyaney 13:9

Woo kaŋ hun Benžameŋ alkabiilaa ra ti Palti, Rafu izʼaroo.

Kabuyaney 14:14

i nʼa har gandaa woo borey se. I maa kaŋ ni, Abadantaa, ni goo jamaa woo game, ni, Abadantaa, nʼga bangay moo nda moo, ni duulaa ga kay i boŋ, nʼga dira i jine duula kaŋ ga kay i jine ra zaari here, cijin here nuune kaŋ ga kay i jine ra.

Kabuyaney 14:42

War masi žigi ka koy, zama Abadantaa sii war game. War masi koy naŋ war iberey ma war kar.

Kabuyaney 14:9

Hayaa kaŋ no ti war masi ture Abadantaa ga, war masi hunbur gandaa din borey, zama ir gʼi tee loomo foo. Ngi hawgaykaa hun i bande, ir binde, Abadantaa goo ir bande, war masi hunbur ey.»

Kabuyaney 16:3

I marga ka tee mee foo Musa nda Haruna ga ka nee i se: «A wasa! Zama jamaa kul manʼti kala henananteyaŋ, de Abadantaa goo i game. Macin se war ga war boŋ jer beene Abadantaa jamaa se?»

Kabuyaney 21:34

Abadantaa nee Musa se: «Masi hunbur a, ay nʼa daŋ ni kaboo ra, nga, nda nga jamaa kul, nda nga gandaa. Ma hayaa tee a se kaŋ nʼnʼa tee Sihoŋ se kaŋ ti Amor borey kokoyoo kaŋ goro Hešboŋ.»

Kabuyaney 23:21

A mana dii ifutu Yakuba ra, a mana dii imeera Izirayel ra. Abadantaa, nga Koyoo goo a bande. Kobiroo kaŋ ga teendi kokoy se ga teendi a do.

Kabuyaney 9:20

Nda duulaa mana kay Irkoy gorodogoo boŋ kala jirbi kaynayaŋ, i ga goro Abadantaa yaamaroo ga i ga goro no din, nga yaamaroo ga i ga tun ka koy.

Korent borey bataga 1na 14:25

Hayey kaŋ a gʼi tugu nga binoo ra ga fatawandi, woo ra a ga nga ndumoo ka sujudu ka Irkoy beerandi ka bayrandi ka nee: «Cimi no kaŋ Irkoy goo war game.»

Alhukumoo 1:21

Guna, Abadantaa, ni Koyoo na gandaa daŋ ni jine, žigi ka koy mʼa zaa a ma tee ni wane sanda takaa kaŋ nda Abadantaa, ni baabey Koyoo nʼa har ma ne. Masi hunbur, ni binoo masi dunbu.›

Alhukumoo 10:17

Zama Abadantaa, war Koyoo ti irkoyey Irkoy, nga ti koyey Koyoo, Irkoy beeroo, Hinikoyoo kaŋ boro ma hunbur a, a si borey bisandi cere, a si sufuray taa.

Alhukumoo 20:1

«Waati kaŋ ni koy ni iberey wongu, de nʼga dii bariyaŋ, nda bari torkayaŋ, nda jama kaŋ bisa ni waney, masi hunbur ey, zama Abadantaa, ni Koyoo kaŋ na ni žigandi ka hun Misira gandaa ra goo ni bande.

Alhukumoo 25:8

Alboraa koyraa boro beerey gʼa cee ka šelaŋ a se. Nda a cindi a ga ka nee: ‹Ay si baa yʼa zaa wande›,

Alhukumoo 31:17

Hanoo din, ay ga futu a ga. Ay gʼi naŋ, ay si agay ndumoo cebe i se. A ga gonandi, bone boobo nda binemarayyan ga duu a. I ga nee: ‹Kaŋ se Irkoy sii ir game, nga se bonawey wey duu ir wala?›

Žozuwe 3:10

Žozuwe nee koyne: «Woo ra war ga bay kaŋ Irkoy hunantaa goo war game, de šikka sii a ga Kanaŋ borey, nda Heti borey, nda Hewi borey, nda Ferezi borey, nda Girgaši borey, nda Amor borey, nda Žebus borey gaaray war jine.

Žozuwe 8:1

Abadantaa nee Žozuwe se: «Masi hunbur, ni binoo masi hasara. Wongaarey kul zaa ni bande, ma tun ka žigi ka Ayi koyraa kar. Guna, ay na Ayi kokoyoo, nda nga jamaa, nda nga koyraa, nda nga gandaa daŋ ni kaboo ra.

Samiyel 1na 4:8

Woo ti ir bone! May no mʼir kaa koy gaabantaa woo kaboo ra? Koyoo woo no ka Misira borey kar nda balaawu dumi kul saajoo ra.