Alhukumoo 7:18 - Songhai de Gao Bible

¹⁸ Masi hunbur ey. Hongu hayaa kaŋ Abadantaa, ni Koyoo nʼa tee Firawuuna nda Misira borey kul se,

Alhukumoo 7:18 ပူးပေါင်းရင်းမြစ်များ

Zaburey 105:5

Wa hongu haya kayfantey kaŋ a nʼi tee, nda nga kayfey nda nga miɲoo ciitey,

Zaburey 77:11

Ay nee: «Woo kaŋ gʼay torro ti, Koy Jerantaa kabe gumaa nka barmay.»

Zaburey 77:12

Ay ga honga Abadantaa teegoyey, ay ga honga teegoy kayfantey kaŋ nʼnʼi tee ka bisa.

Zaburey 78:11

I dirɲa nga teegoyey, nda haya kayfantey kaŋ a nʼi cebe i se.

Kabuyaney 13:9

Woo kaŋ hun Benžameŋ alkabiilaa ra ti Palti, Rafu izʼaroo.

Kabuyaney 21:34

Abadantaa nee Musa se: «Masi hunbur a, ay nʼa daŋ ni kaboo ra, nga, nda nga jamaa kul, nda nga gandaa. Ma hayaa tee a se kaŋ nʼnʼa tee Sihoŋ se kaŋ ti Amor borey kokoyoo kaŋ goro Hešboŋ.»

Alhukumoo 1:21

Guna, Abadantaa, ni Koyoo na gandaa daŋ ni jine, žigi ka koy mʼa zaa a ma tee ni wane sanda takaa kaŋ nda Abadantaa, ni baabey Koyoo nʼa har ma ne. Masi hunbur, ni binoo masi dunbu.›

Alhukumoo 1:29

Ay nee war se: ‹War biney masi dunbu, war masi hunbur ey.›

Alhukumoo 1:30

Abadantaa, war Koyoo kaŋ ga dira war jine, a ga wongu war se, sanda takaa kaŋ nda a nʼa tee war jine Misira

Alhukumoo 20:1

«Waati kaŋ ni koy ni iberey wongu, de nʼga dii bariyaŋ, nda bari torkayaŋ, nda jama kaŋ bisa ni waney, masi hunbur ey, zama Abadantaa, ni Koyoo kaŋ na ni žigandi ka hun Misira gandaa ra goo ni bande.

Alhukumoo 3:6

Ir nʼi halaci sõy sanda takaa kaŋ ir nʼa tee Sihoŋ, Hešboŋ kokoyoo se. Ir na koyra foo kul halaci sõy, arey, nda woyey, nda zankey.

Alhukumoo 31:5

Abadantaa gʼi daŋ war kabey ra, war ma hayaa tee i se ka sawa nda yaamaroo kul kaŋ ay nʼa har war se.

Alhukumoo 31:6

Wa albarka daŋ war boŋ ra, war ma bine tee. War masi hunbur, war masi jijiri i jine: Abadantaa, ni Koyoo hunday no ma dira ni bande. A si ni naŋ, a si ni fur.»

Žozuwe 8:1

Abadantaa nee Žozuwe se: «Masi hunbur, ni binoo masi hasara. Wongaarey kul zaa ni bande, ma tun ka žigi ka Ayi koyraa kar. Guna, ay na Ayi kokoyoo, nda nga jamaa, nda nga koyraa, nda nga gandaa daŋ ni kaboo ra.

Alkaaley 6:13

Žedewoŋ nee a se: «Alha-naŋ ay koyoo, nda Abadantaa goo ir bande, macin se woo kul duu ir? Man Abadantaa teegoy kayfantey kul kaŋ ir hayragey nʼi deede ir se ka nee: ‹Abadantaa nka manʼir fattandi Misira wala?› Sohõ Abadantaa nʼir yala, a nʼir daŋ Majaŋ borey kabey ra.»