Alhukumoo 7:14 - Songhai de Gao Bible

¹⁴ Albarka ga huru ni ra ka bisa dumey kul. Ni jamaa ra, aru kaŋ si duu ize wala woy gun si bara, adabba gun mo sii ni adabbawey ra.

Alhukumoo 7:14 ပူးပေါင်းရင်းမြစ်များ

Zaburey 107:38

A na albarka daŋ i ra, i hanse ka boobo, a mana naŋ haya ma hun ngi adabbawey ra.

Zaburey 115:15

Abadantaa na albarka daŋ war ra, nga kaŋ na beenaa nda laboo tee.

Zaburey 127:3

Guna, ize manʼti kala tubu kaŋ Abadantaa gʼa noo, a gʼa noo sanda sufuray.

Sargarey 26:9

Ay ga bere war here, ay ga war noo hayyan ka war boobandi, ay ga gaabu agay amaanaa ga war se.

Kabuyaney 22:12

Irkoy nee Balam se: «Masi koy i bande, masi jamaa din danga, zama albarkanteyaŋ no.»

Alhukumoo 28:11

Abadantaa ga ni too nda gomni ka ni hayroo, nda ni adabbaa hayroo, nda hayey kaŋ ni laboo gʼi hay boobandi laboo ga kaŋ Abadantaa nʼa žee ni baabey se kaŋ nga gʼa noo ma ne.

Alhukumoo 28:4

Albarka ga huru ni hayroo, nda hayey kaŋ ni laboo gʼi hay, nda ni adabbaa hayroo, nda ni hawey hayroo, nda ni alman buuney hayroo ra.

Alhukumoo 30:9

Abadantaa, ni Koyoo ga gomni doori ni kabe goyoo kul ra, nda ni hayroo kul ra, nda ni adabba hayroo kul ra, nda hayey kaŋ ni laboo gʼi hay kul ra, zama ni gomnoo ga yee ka kan Abadantaa se sanda takaa kaŋ nda ni baabey wanoo kan a se,

Alhukumoo 33:29

Ni duu gomni, Izirayel! May no ma hima nda ni, jama kaŋ Abadantaa nʼa hallasi nda nga koraa nda nga takuba daržantaa? Ni iberey ga kaa ka ngi boŋ yeeti ganda ma ne, nʼga ngi hodaddawey taama-taama.»