Alhukumoo 7:13 - Songhai de Gao Bible

¹³ A ga baa ni, a ga albarka daŋ ni ra ka ni boobandi. A ga albarka daŋ haya kaŋ hun ni gundoo ra nda hayey kaŋ ni laboo gʼi hay ra, ni alkamaa, nda ni alaneb haroo nda ni jiyoo, nda ni hawey hayroo ra, nda ni alman buuney hayroo ra laboo ga kaŋ a žee ni baabey se kaŋ nga gʼa noo ma ne.

Alhukumoo 7:13 ပူးပေါင်းရင်းမြစ်များ

Nehemi 9:32

Sohõ ir Koyoo, Irkoy beeroo, Hinikoyoo kaŋ ti hunburhaya, ni kaŋ ga amaana too, kaŋ ga borohennataray tee, zaraboo kaŋ duu ir, nda ir kokoyey, nda ir boŋkoyney, nda ir sargari juwalkey, nda ir annabey, nda ir baabey, nda ni jamaa kul za Asiri kokoyey waati hala hõ, masʼa guna sanda haya kaccu.

Ayuba 1:10

Manʼti ni no ka nga, nda nga hugoo borey, nda haya kul kaŋ goo maaɲoo ga kali kʼi sutura wala? Nʼna albarka daŋ nga kabe goyoo ra, nga almaney goo gandaa kul ra.

Ayuba 42:12

Abadantaa na albarka daŋ Ayuba kokoroo ra ka bisa nga šintinoo waati. A duu alman buuna boŋ zenber woy cindi taaci (14.000), nda yoo zenber iddu (6.000), nda haw kobsi hinka-hinka zenber foo (1.000) nda farka woy zenber foo (1.000).

Zaburey 1:3

A ga hima nda tuuri kaŋ dumandi hari bisadooyaŋ miɲey ga, a ga ize tee nga waatoo ga, fitawey si kogu, haya kul kaŋ a gʼa tee ga boori.

Zaburey 107:38

A na albarka daŋ i ra, i hanse ka boobo, a mana naŋ haya ma hun ngi adabbawey ra.

Zaburey 11:7

Zama Abadantaa ga šerre, a ga baa haya kaŋ teendi nda šerretaray, boro šerrantey no ma dii nga ndumoo.

Zaburey 127:3

Guna, ize manʼti kala tubu kaŋ Abadantaa gʼa noo, a gʼa noo sanda sufuray.

Zaburey 146:8

Abadantaa ga danawey moɲey feeri, Abadantaa ga borey kaŋ ga golbi kayandi, Abadantaa ga baa boro šerrantey.

Fattaroo 23:25

War ma Abadantaa, war Koyoo gana, a ga albarka daŋ war ŋaahayaa nda war haroo ra, de ay ga wirci moorandi ni ga.

Yaasawey 10:22

Abadantaa albarkaa no ma boro tee almankoyni, a si torro daŋ a bande.

Yaasawey 15:9

Abadantaa ga konna boro futu fondaa, a ga baa boro kaŋ ga hanga šerretaray.

Sargarey 26:9

Ay ga bere war here, ay ga war noo hayyan ka war boobandi, ay ga gaabu agay amaanaa ga war se.

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Yehiya 14:21

Boro kaŋ kone ay yaamarey goo, de a nʼi dii, nga no ma baa agay. Boro kaŋ ga baa agay, ay Baabaa Irkoy ga baa boraa, ay ga bagʼa, de agay hunday gʼay boŋ bayrandi a se.»

Yehiya 15:10

Nda war gʼay yaamarey dii, war duumi ay bajoo ra sanda takaa kaŋ nda ay nʼay Baabaa Irkoy yaamarey dii, de ay duumi nga bajoo ra.

Yehiya 16:27

zama Baabaa Irkoy hunday ga baa war, zama war baa agay, de mo war, war naanay kaŋ agay, ay mana hun kala Irkoy do.

Alhukumoo 1:8

Guna, ay na gandaa daŋ war jine, wa huru, gandaa ma tee war wane kaŋ Abadantaa nʼa žee war baabey Ibirahima, nda Isiyaka, nda Yakuba se kaŋ nga gʼa noo ngi nda ngi hayroo kaŋ ga kaa dumawey ga se.›»

Alhukumoo 13:17

Ma nga alganiimaa kul marga farroo gamoo ra, ma nuune daŋ koyraa ra nda alganiimaa kul kaŋ goo a ra, mʼi kul sarga Abadantaa, ni Koyoo maaɲoo ga sanda sargari kaŋ tonandi hala a ma ben, a ga tee hala abada koyra kaŋ kayri, a si yee ka cinandi koyne.

Alhukumoo 28:1

«Nda nʼga haŋajer ka boori Abadantaa, ni Koyoo se ka gaabandi ka dira nga yaamarey kul bande nda takaa kaŋ nda ay gʼi har ma ne hõ, Abadantaa, ni Koyoo ga ni jer beene ka bisa laboo dumey kul.

Alhukumoo 28:11

Abadantaa ga ni too nda gomni ka ni hayroo, nda ni adabbaa hayroo, nda hayey kaŋ ni laboo gʼi hay boobandi laboo ga kaŋ Abadantaa nʼa žee ni baabey se kaŋ nga gʼa noo ma ne.

Alhukumoo 30:5

Abadantaa, ni Koyoo ga kate ni gandaa ra kaŋ ni baabey nʼa mayray, de nʼgʼa mayray. A ga gomni tee ma ne, de a ga ni boobandi ka bisa ni baabey.

Alhukumoo 7:7

«Manʼti war nka boobo nda dumey kul nga se Abadantaa baa war, de a na war suuba, zama war ti dumey kul ikaccaa.