Alhukumoo 6:6 - Songhai de Gao Bible

⁶ Šenney wey kaŋ ay gʼi har ma ne hõ ma cindi ni binoo ra.

Alhukumoo 6:6 ပူးပေါင်းရင်းမြစ်များ

Šintinoo 18:19

Ya nkʼa suuba hala a ma nga izey nda nga hugoo borey kaŋ goo dumaa ga yaamar i ma Abadantaa fondaa gana ka goy nda šerretaray nda cimi. Woo ra Abadantaa ga Ibirahima noo hayaa kaŋ a bay kʼa har a se.»

Samiyel 2to 22:23

Nga hantumey kaŋ kayandi kul goo ay jine, ay sʼay boŋ moorandi nga hantumey ga.

Zaburey 119:11

Ay ga ni meešennoo jisi ay binoo ra hala ya si duu ka zunubu tee ni ga.

Zaburey 119:13

Ay miɲoo ga hantumey kul kaŋ kayandi deede kaŋ ni miɲoo nʼi har.

Zaburey 119:30

Ay na laadirtaray fondaa suuba, ay ga dira ka sawa nda ni hantumey kaŋ kayandi.

Zaburey 119:98

Ni yaamaroo gʼay tee lakkalkoyni ka bisa agay iberey, zama a goo ay kone hala abada.

Zaburey 37:31

Nga Koyoo ašariyaa goo binoo ra, a si tatanji nga diraa ra.

Zaburey 40:8

Woo se ay nee: «Nga ne, agay ne ma kaa, sanda takaa kaŋ nda a hantumandi ay ga citaabu kunkunantaa ra.»

Yaasawey 3:5

Ma ni binoo kul ka ni naanaa daŋ Abadantaa ra, masi felle ni fahamaa ga.

Yaasawey 7:3

I haw ni kabe-izey ga, i hantum ni binoo walhaa ga.

Luka 2:51

A doo i bande ka koy Nazaret, a cindi i cire. Ɲaŋoo na hayey kul kaŋ tee dii nga binoo ra.

Luka 8:15

Labu hennaa kaŋ ra jerey sayandi manʼti kala borey kaŋ, nda i maa Šennoo, i gʼa dii nda bine henna kaaray. I ga ize tee haya kul kaŋ ga no.»

Korent borey bataga 2to 3:3

A ga kaaray kaŋ war manʼti kala Almasihu batagaa kaŋ ir goyoo nʼa tee. Manʼti dawa nda a hantumandi, Irkoy hunantaa Hundoo kʼa hantum. Manʼti tondi walha ga a hantumandi, baši walhayaŋ ga a hantumandi kaŋ goo war biney ra.

Alhukumoo 11:18

Wʼay šenney wey kaŋ ay gʼi har war se daŋ war biney nda war hundey ra. War mʼi haw war kabey ga sanda tammaasa, mʼi haw war teɲawey mo ga.

Alhukumoo 11:20

Mʼi hantum ni hugoo ganboo carawey ga nda ni koyrawey miɲey ga.

Alhukumoo 32:46

a nee i se: «Wa miile šenney kul ga kaŋ ay nʼi har war se hõ ka war izey yaamar i ma gaabandi ka ašariyaa šenney wey kul ka dira.

Kolos borey batagaa 3:16

Almasihu šennoo ma harandi war game nda booboyan. War ma cere cawandi ka cere hoyray nda lakkal beeri. War ma don Irkoy se nda war biney kul nda albarka daŋyan lakkal, ka don kʼa jer, nda saabuyaŋ, nda dooniyaŋ kaŋ Irkoy Hundoo gʼi noo.

Yehiya bataga 2to 1:2

cimoo kaŋ ga duumi ir ra maaganda se, kaŋ goo ir bande hala abada.