Alhukumoo 6:24 - Songhai de Gao Bible

²⁴ Abadantaa nʼir yaamar ir ma hantumey wey kul ka dira, ir ma hunbur Abadantaa, ir Koyoo, hala waati kul ir ma duu gomni, ir hundey ma cindi ir ra sanda woo kaŋ goo ma teendi hõ.

Alhukumoo 6:24 ပူးပေါင်းရင်းမြစ်များ

Zaburey 41:2

Boraa duu gomni kaŋ ga lakkal daŋ yalaafantey se! Bone zaari hane Abadantaa gʼa feeri.

Zaburey 41:3

Abadantaa gʼa lakkal, a gʼa noo aloomur! Boraa duu gomni laboo ga, nʼsʼa tee nga iberey ibaayoo.

Zaburey 66:9

Nga no mʼir noo hunayan, a mana naŋ ir cewey ma tanši.

Fattaroo 20:20

Musa nee jamaa se: «War masi hunbur, zama Irkoy nka kaa ka war sii, hala nga hunburaa ma bara war ra, war masi zunubu tee.»

Yaasawey 22:4

Ka ni boŋ yeeti ganda nda ka hunbur Abadantaa, manʼti kala alman, nda beeray, nda hunayan duuyan.

Yaasawey 9:12

Nda ni tee lakkalkoyni, ni tiya ni boŋ se, nda ɲooɲokaw ti ni, ni hinne no ma hayaa kaŋ goo a ra jere.

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Luka 10:28

Isa nee a se: «Ni tuuru nda fondaa. Woo tee, de nʼga huna.»

Rom borey batagaa 10:5

Šerretaraa kaŋ hun ašariyaa ra, Musa šelaŋ a ga ka nee: «Boro kaŋ ga hayey wey ka goy ga huna ngi albarkaa ra.»

Alhukumoo 4:1

«Aywa sohõ Izirayel, haŋajer hantumey nda hantumey kaŋ kayandi se kaŋ ay gʼi cawandi war se war ma duu ka dira nda ey, hala war ma huna, war ma huru gandaa ra kʼa mayray kaŋ Abadantaa, war baabey Koyoo gʼa noo war se.

Alhukumoo 4:4

Amma war kaŋ hawa Abadantaa, war Koyoo ga, war kul ga huna hõ.

Alhukumoo 6:2

hala ma hunbur Abadantaa, ni Koyoo ni hunaroo kul ra, ni, nda ni izoo, nda izoo izoo ka nga hantumey, nda nga yaamarey kul dii, wey kaŋ agay, ay gʼi har ma ne hala ma duu aloomur.

Alhukumoo 6:23

Amma ir, a nʼir fattandi no din kʼir daŋ gandaa ra kaŋ a nʼa žee ir baabey se kaŋ nga gʼa noo ir se.

Alhukumoo 8:1

«Yaamaroo kul kaŋ ay gʼa noo ma ne hõ, war ma gaabandi kʼa ka dira hala war ma duu ka huna, war ma gooru, de war ma gandaa mayray kaŋ Abadantaa žee kaŋ nga gʼa noo war baabey se.

Alhukumoo 8:3

A na ni yeeti ganda, a na ni herayandi, a na ni huna nda ŋaahayaa kaŋ se i ga nee man kaŋ manʼa bay, ni baabey manʼa bay, hala nga ma ni bayrandi kaŋ manʼti ŋaayan hinne nda adamize ga huna, amma adamize si huna nda kala haya kul kaŋ hun Abadantaa miɲoo ra.