Alhukumoo 6:12 - Songhai de Gao Bible

¹² hawgay masi dirɲa Abadantaa kaŋ na ni fattandi Misira gandaa ra, tamtaray hugoo ra.

Alhukumoo 6:12 ပူးပေါင်းရင်းမြစ်များ

Kokoyey 2to 17:36

Amma agay, Abadantaa no war ma hunbur agay, agay kaŋ na war fattandi Misira gandaa ra nda ay hini beeroo nda kabe albarkante. Ay jine no war ma sujudu, agay se war ma sargariyaŋ kaa.

Kokoyey 2to 17:38

War masi dirɲa amaanaa kaŋ ay nʼa daŋ agay nda war game, war masi hunbur koy tanayaŋ.

Ayuba 8:13

Woo no ma tee borey kul ga kaŋ ga dirɲa Irkoy, boro kaŋ si hunbur Irkoy naataa ga dere.

Zaburey 103:2

Ay hundoo, albarka tee Abadantaa se, masi dirɲa nga gomney ra haya kul!

Zaburey 44:17

kaynandikey nda wowkey šenney maayanoo se, kaŋ iberey nda borey kaŋ ga baa ngi ma ngi dukuroo kaa ay ra gʼi tee.

Zaburey 59:11

Irkoy kaŋ goo nda arrahama ga kaa ay jine, Irkoy ga naŋ agay iberey ma tee ya ne gunahaya.

Zaburey 78:7

Takaa woo ra, Irkoy ra i ma ngi naanaa daŋ, i masi dirɲa Irkoy teegoyey, i ma nga yaamarey dii.

Fattaroo 13:14

Nda suba ni izoo na ni hãa ka nee: ‹Macin se woo ga teendi?›, nee a se: ‹Abadantaa nkʼir fattandi Misira nda nga gaabi albarkantaa, tamtaray hugoo ra.

Fattaroo 13:3

Musa nee jamaa se: «Wa hongu zaaroo din kaŋ ra war fatta Misira, tamtaray hugoo ra, Abadantaa na war fattandi no din nda nga kabe gaabantaa. Woo se boro kul masi takula ŋaa kaŋ ra dolobiri goo.

Fattaroo 6:6

Woo maaganda se nee Izirayel borey se: ‹Agay ti Abadantaa, ay ga Misira waazibi goyey zaa war boŋ. Ay ga war kaa ngi tamtaraa ra. Ay ga war feeri nda ay hinoo nda ciiti beeriyaŋ.

Yaasawey 30:9

ya si koy kungu ka ni yankar ka nee: ‹May ti Abadantaa?› Wala ya talka ka koy zay kʼay Koyoo maaɲoo hasara.

Kabuyaney 15:39

‹Buzu-buzu no war se, nda war dii a kul war ma hongu Abadantaa yaamarey kul kʼi ka dira. War si hanga bine-ibaayey nda moo-ibaayey kaŋyaŋ nda war ga izefututaray tee.

Alhukumoo 32:18

Nʼna Tondoo yala kaŋ na ni daŋ aduɲɲa ra, ni dirɲa Koyoo kaŋ na ni hay.

Alhukumoo 4:23

Wa war boŋ hawgay, war masi koy dirɲa amaanaa kaŋ Abadantaa, war Koyoo nʼa daŋ nga nda war game, ka koy tooru hanse, a ma tee kunturu kul kaŋ no kaŋ Abadantaa, ni Koyoo na ni yaamar masʼa tee.

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Alhukumoo 8:10

Waati kaŋ ni ŋaa, ni kungu, ma albarka daŋ Abadantaa, ni Koyoo se nda ganda hennaa kaŋ a nʼa noo ma ne.

Kolos borey batagaa 2:8

Wa hawgay boro kul masi duu war nda lakkalcawyan šenni nda šenni yaada kaŋ ga boro derandi, adamizey alaadaa takaa nda hini laaley kaŋ goo kubaa ra takaa, i manʼti Almasihu wanoo dumoo.

Alkaaley 2:12

I na banda bere Abadantaa, ngi baabey Koyoo se kaŋ nʼi fattandi Misira gandaa ra, i hanga koy tanayaŋ bande. Koyey ti dumey kaŋ gʼi kuubi kʼi bere waney. I sujudu i jine, i na Abadantaa futandi.