Alhukumoo 5:32 - Songhai de Gao Bible

³² Wa hawgay war ma hayey ka dira kaŋ nda Abadantaa, war Koyoo na war yaamar. War masi šiiri kabe guma here wala iwaawa here.

Alhukumoo 5:32 ပူးပေါင်းရင်းမြစ်များ

Kokoyey 2to 17:37

War ma gaabandi kʼay hantumey, nda ay hantumey kaŋ kayandi, nda agay ašariyaa, nda yaamaroo kaŋ ay nʼi hantum war se ka dira waati kul, war masi hunbur koy tanayaŋ.

Kokoyey 2to 21:8

Ay si yee koyne ka Izirayel gaaray kʼa kaa gandaa ra kaŋ ay nʼa noo ngi hayragey se, haya kaŋ no de ti i ma dira yaamarey kul bande kaŋ ay nʼi har i se, ka hanga ašariyaa kul kaŋ ay tamoo Musa nʼa daŋ i se.»

Kokoyey 2to 22:2

A na haya tee kaŋ ga henan Abadantaa jine, haya kul here a hanga nga baabaa Dawda fondaa. A mana šiiri kabe guma wala iwaawa here.

Zaburey 125:5

Amma borey kaŋ ga šiiri ka koy fondo golbantey here, yala Abadantaa ma kate nda ey, ngi nda goy futu teekey! Yala alaafiya ma kaa Izirayel ga!

Zaburey 19:12

Agay hunday, ni tamoo, nʼgʼay cawandi nda ey, boro kaŋ gʼi dii, nga nafaa ga boobo.

Zaburey 80:19

Nda woo teendi, ir si yee kʼir boŋ taa ni kone. Naŋ ir ma huna, woo ra ir ga ni maaɲoo cee.

Yaasawey 3:2

zama i ga tonton ni zaarey hinnaa ga, nda ni aloomuroo ga, nda ni alaafiyaa ga.

Yaasawey 4:27

Masi šiiri ka koy ni kabe gumaa wala iwaawaa ga, ni cewey moorandi ifutu.

Alhukumoo 11:32

War ma hawgay, war ma hantumey nda hantumey kaŋ kayandi kul ka dira kaŋ ay gʼi daŋ war jine hõ.»

Alhukumoo 17:11

Ma dira nda ašariyaa kaŋ i gʼa har ma ne, nda hantumoo kaŋ kayandi kaŋ i gʼa har ma ne. Masi šiiri kabe guma here wala iwaawa here ciitoo zaaboo šennoo se kaŋ i gʼa har ma ne.

Alhukumoo 17:20

hala a masi koy binebeeray nga armey ga, de a masi šiiri yaamaroo se kabe guma here wala iwaawa here, hala a ma duu ka duu aloomur nga kokoytaraa ra Izirayel game, nga nda nga izey.»

Alhukumoo 24:8

«Ni boŋ hawgay jiray ga, ma hanse ka lakkal daŋ a se, de ma hayaa kul tee nda takaa kaŋ nda sargari juwalkey kaŋ ti Lewi boro gʼa cawandi ma ne. War ma gaabandi ka goy nda woo kaŋ nda ay na sargari juwalkey yaamar.

Alhukumoo 28:14

nda nʼsi šiiri kabe guma here wala iwaawa here šenney kul ra kaŋ ay gʼi har ma ne hõ, nda nʼsi hanga koy tanayaŋ bande kʼi gana.»

Alhukumoo 29:8

War ma amaanaa woo šenney wey dii, war mʼi ka dira hala war teegoyey kul ma boori.»

Alhukumoo 6:17

War ma hanse ka Abadantaa, war Koyoo yaamarey, nda nga seedetarawey, nda nga hantumey dii kaŋ nda a na ni yaamar.

Alhukumoo 6:25

Ir se šerretaray no ir ma dira nda Abadantaa, ir Koyoo yaamaroo woo kul, sanda takaa kaŋ nda a nʼir yaamar.›»

Alhukumoo 6:3

Adiši ma haŋajer, Izirayel, ma hawgay kʼi ka dira, hala ma duu gomni, de war ma gooru ganda ra kaŋ ra waa nda yuu ga tee hari, sanda takaa kaŋ nda Abadantaa, ni baabey Koyoo nʼa har ma ne.

Alhukumoo 8:1

«Yaamaroo kul kaŋ ay gʼa noo ma ne hõ, war ma gaabandi kʼa ka dira hala war ma duu ka huna, war ma gooru, de war ma gandaa mayray kaŋ Abadantaa žee kaŋ nga gʼa noo war baabey se.

Žozuwe 1:7

Hayaa de kaŋ no ti ma hanse ka albarka daŋ ni boŋ ra, ma bine tee ka hawgay ka dira nda ašariyaa kul kaŋ Musa, ay tamoo nʼa har ma ne. Masi šiiri a se kabe guma here wala iwaawa here, woo ra nʼga tee kayante nongu kul kaŋ ra nʼga koy.

Žozuwe 23:6

Sohõ wa war boŋ gaabi ka haya kul kaŋ hantumandi Muusa ašariyaa tiiraa ra dii kʼa ka goy, bila nda war ma šiiri kabe guma here wala iwaawa here,

Piyer bataga 2to 2:21

Zama nda i nka mana fondo šerrantaa bay jina baa i se i mʼa bay i ma duu ka yee ka šiiri yaamar henanantaa se kaŋ nondi i se.