Alhukumoo 4:39 - Songhai de Gao Bible

³⁹ Hõ ma bay, ma miile a ga kaŋ Abadantaa ti Irkoy kaŋ goo beenaa ra, beene, nda laboo ga, ganda. Koy tana sii no.

Alhukumoo 4:39 ပူးပေါင်းရင်းမြစ်များ

Samiyel 2to 7:22

Nʼga beeri, ay Koyoo, Abadantaa. Ni cine sii no, woo kul kaŋ ir haŋawey maarʼa banda ga, koy sii no kala ni.

Taarikey 1na 17:20

Abadantaa, ni cine sii no, woo kul kaŋ ir haŋawey maarʼa banda ga, koy sii no kala ni.

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 1na 29:11

Abadantaa, jeeray, nda hini, nda darža, nda annuura, nda beeray manʼti kala ni wane, zama haya kul kaŋ goo beenaa ra nda laboo ga, i kul ti ni wane Abadantaa. Kokoytaray mo ti ni wane, Abadantaa. Ni goo haya kul boŋ.

Taarikey 2to 20:6

A nee: «Abadantaa, ir baabey Koyoo, manʼti ni ti Irkoy kaŋ goo beenaa ra, manʼti ni no ni hinoo goo gandawey laamawey kul boŋ wala? Gaabi nda hini sii kala ni kaboo ra, boro kul si hin ka kay ni jine.

Zaburey 100:3

War ma bay kaŋ Abadantaa ti Irkoy, nga kʼir tee, ir ti nga wane, ir ti nga jamaa, nga alman kuroo kaŋ a gʼa kur.

Zaburey 115:3

Ir Koyoo goo beenaa ra, a ga haya kul tee kaŋ kan a se.

Zaburey 135:6

Haya kul kaŋ kan Abadantaa se, a gʼa tee beenaa ra nda laboo ga, teekowey ra nda guusu beerey kul ra.

Fattaroo 8:10

I nʼi marga zuku nda zuku, gandaa funbu.

Korent borey bataga 1na 8:4

Aywa, haya kaŋ ti hayey kaŋ sargandi toorey maaɲey ga ŋaayanoo, ir ga bay kaŋ tooru manʼti baffoo aduɲɲa ra. De mo ir ga bay kaŋ irkoy sii kaŋ manʼti Irkoy folloku.

Korent borey bataga 1na 8:6

Woo kul, ir se Irkoy folloku bara kaŋ ti Baabaa Irkoy kaŋ ga haya kul ga hun, kaŋ se ir ga huna, nda Koy folloku kaŋ ti Isa Almasihu kaŋ ga kate haya kul ma bara, nga ra ir hunaroo goo.

Alhukumoo 32:12

Abadantaa hinne no mʼa gongu, koy waani kul sii a bande.

Alhukumoo 32:29

Nda a gar i mma bara nda lakkal i ga faham woo se, i ga ngi kokoroo guna.

Alhukumoo 4:35

Ni, i na hayey kaarandi ma ne, hala ma duu ka bay kaŋ Abadantaa hinne ti Koy, koy foo sii no kala nga.

Alhukumoo 6:4

Haŋajer, Izirayel! Abadantaa ti ir Koyoo, nga hinne ti Abadantaa.

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Žozuwe 2:11

Ir maarʼa, ir biney hasara, boro kul sii nda bine ka kay war jine, zama Abadantaa, war Koyoo, Koy no beenaa ra beene, nda laboo ga ganda.

Samiyel 1na 2:2

Boro kul si too Abadantaa henanyan. Koy sii no ni banda ga. Tondi sii no sanda ir Koyoo.