Alhukumoo 4:35 - Songhai de Gao Bible

³⁵ Ni, i na hayey kaarandi ma ne, hala ma duu ka bay kaŋ Abadantaa hinne ti Koy, koy foo sii no kala nga.

Alhukumoo 4:35 ပူးပေါင်းရင်းမြစ်များ

Samiyel 2to 22:32

Adiši may ti Irkoy nda manʼti Abadantaa? May ti tondi kaŋ ga boro ga hin ka talfi nda manʼti ir Koyoo?

Samiyel 2to 7:22

Nʼga beeri, ay Koyoo, Abadantaa. Ni cine sii no, woo kul kaŋ ir haŋawey maarʼa banda ga, koy sii no kala ni.

Kokoyey 1na 8:60

Nda woo teendi, dumey kul kaŋ goo laboo ga, ga bay kaŋ Abadantaa ti Irkoy, nga dumaa ga koy tana sii no.

Kokoyey 2to 19:19

Sohõ, Abadantaa, ir Koyoo, ay gʼa wiri ni ga, mʼir hallasi Senakerib kaboo ra hala laboo kokoy laamawey kul ma bay kaŋ ni hinne, Abadantaa ti Irkoy!»

Taarikey 1na 17:20

Abadantaa, ni cine sii no, woo kul kaŋ ir haŋawey maarʼa banda ga, koy sii no kala ni.

Zaburey 100:3

War ma bay kaŋ Abadantaa ti Irkoy, nga kʼir tee, ir ti nga wane, ir ti nga jamaa, nga alman kuroo kaŋ a gʼa kur.

Zaburey 58:11

Boro šerrantaa ga ɲaali, zama a dii kaŋ Irkoy faasa nga se, a ga nga cewey ɲumay boro laaley kuroo ra.

Zaburey 83:18

Yala waati kul i ma haw i ma hunbur, i ma haw, i ma halaci.

Fattaroo 15:11

Koyey ra, may ti ni cine koy, Abadantaa? May no ma too ni henanyan ra? May ka si hunbur ni? May no ma too ni beeray ra? May no ma too ni kayfi teeyan ra?

Fattaroo 8:10

I nʼi marga zuku nda zuku, gandaa funbu.

Fattaroo 8:6

A nee: «Suba.» Musa nee: «Woo kaŋ nʼnʼa har ga tee hala ma bay kaŋ Abadantaa, ir Koyoo cine sii.

Fattaroo 9:14

Hiino ay gʼay albalaawey kul sanba ni, nda ni borey, nda ni jamaa ga hala ma bay kaŋ ay cine sii laboo kul ga.

Marku 12:29

Isa nʼa zaabi ka nee: «Yaamarey kul ibeeroo ne: ‹Haŋajer, Izirayel, ir Koyoo Irkoy ti ir Koy follokaa.

Marku 12:32

Citaaboo baykaa nee Isa se: «A boori, alfagaa! Nʼna cimi har: nga ti ir Koy follokaa, ‹de mo koy sii no kala nga hinne.›

Korent borey bataga 1na 8:4

Aywa, haya kaŋ ti hayey kaŋ sargandi toorey maaɲey ga ŋaayanoo, ir ga bay kaŋ tooru manʼti baffoo aduɲɲa ra. De mo ir ga bay kaŋ irkoy sii kaŋ manʼti Irkoy folloku.

Korent borey bataga 1na 8:6

Woo kul, ir se Irkoy folloku bara kaŋ ti Baabaa Irkoy kaŋ ga haya kul ga hun, kaŋ se ir ga huna, nda Koy folloku kaŋ ti Isa Almasihu kaŋ ga kate haya kul ma bara, nga ra ir hunaroo goo.

Alhukumoo 32:12

Abadantaa hinne no mʼa gongu, koy waani kul sii a bande.

Alhukumoo 32:23

Ay ga bone marga kʼa zumandi i boŋ, ay ga ay birawey benandi i ra.

Alhukumoo 32:39

Sohõ wa guna, agay no, cimi no, agay no, koy sii no kala agay. Agay no ma wiiya, agay no ma hunandi, agay no ma boro maray, agay no mʼa noo baani. Boro si boro kaa ay kaboo ra.

Alhukumoo 33:26

«Ya Yešurun, boro kul si hima nda Irkoy. A ga zunbu ka hun beenaa ra duula ga ka kaa ka ni faaba nga daržaa ra.

Alhukumoo 4:39

Hõ ma bay, ma miile a ga kaŋ Abadantaa ti Irkoy kaŋ goo beenaa ra, beene, nda laboo ga, ganda. Koy tana sii no.

Alhukumoo 6:4

Haŋajer, Izirayel! Abadantaa ti ir Koyoo, nga hinne ti Abadantaa.

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Samiyel 1na 2:2

Boro kul si too Abadantaa henanyan. Koy sii no ni banda ga. Tondi sii no sanda ir Koyoo.