Alhukumoo 4:32 - Songhai de Gao Bible

³² «Ay gʼa wiri ni ga, hãa, waatey kaŋ bisa ra, zaarey kaŋ na ni jin, za hanoo kaŋ Irkoy na adamize taka laboo ga, aduɲɲa boŋ foo ka koy boŋ faa ga, wala haya teendi kaŋ ga too woo beeriyan? Boro bay ka maa woo cine?

Alhukumoo 4:32 ပူးပေါင်းရင်းမြစ်များ

Šintinoo 1:27

Irkoy na boro taka hala a ma hima nda nga. Nga himakasinaa no kaŋ a nʼa taka. A nʼi taka kʼi tee aru nda woy.

Samiyel 2to 7:23

Ganda tana mma bara laboo ga kaŋ ga hima nda Izirayel, ni jamaa, kaŋ koy tanayaŋ koy a day kʼa kaa kabe ra a mʼa tee ngi jamaa, kʼa tee ngi wane hala jamaa ma duu maa? Nʼna haya beeriyaŋ tee i se, nʼna teegoy kayfanteyaŋ tee ni gandaa se, ni jamaa kaŋ nʼnʼa day kʼa kaa Misira, nda gandawey, nda ngi koyey kabey ra hala a ma tee ni wane.

Ayuba 8:8

Ay gʼa wiri ni ga, zamanoo kaŋ bisa borey hãa, goyey kaŋ ni baabey nʼi tee guna.

Zaburey 44:1

Donkey boŋkoynoo ka woo don. Woo ti Kora izey bayti dooni foo.

Fattaroo 34:10

Abadantaa nee: «Nga ne, ay ga amaana daŋ agay nda war game. Ni jamaa kul jine ay ga kayfiyaŋ tee kaŋ cine mana bay ka teendi laboo kul ga, a mana teendi ganda kul ra. Jamaa kaŋ ga ni kuubi ka ni bere ga dii Abadantaa teegoyoo, teegoy kaŋ ga boro hunburandi no ay gʼa tee ma ne.

Matiyu 24:31

A ga nga almalaykey sanba nda laati beeri hẽeni beeri hala i ma nga boro suubantey marga ka hun gandaa kanje taacaa kul ga aduɲɲa boŋ foo ga ka koy boŋ faa ga.»

Marku 13:27

A ga almalaykey sanba hala i ma [nga] boro suubantey marga ka hun laboo kanje taacaa kul ga beenaa boŋ foo ga ka koy boŋ faa ga.»

Alhukumoo 28:64

Abadantaa ga ni say dumey kul ra, laboo boŋ foo ga ka koy boŋ faa ga. No din ra nʼga koy tanayaŋ kaŋ ti bundu nda tondi gana kaŋ ni, nʼsʼi bay, ni baabey sʼi bay.

Alhukumoo 30:4

Ba nda ni zandi ka koy hala aduɲɲa boŋ faa ga, Abadantaa, ni Koyoo ga ni marga ka ni zaa no din.

Alhukumoo 32:7

Hongu waati bisantey, wa hongu jiiri bisantey zaman ka kaa zaman. Ni baabaa hãa, a gʼa deede ma ne. Boro beerey hãa, i gʼa har ma ne.

Alhukumoo 33:29

Ni duu gomni, Izirayel! May no ma hima nda ni, jama kaŋ Abadantaa nʼa hallasi nda nga koraa nda nga takuba daržantaa? Ni iberey ga kaa ka ngi boŋ yeeti ganda ma ne, nʼga ngi hodaddawey taama-taama.»

Alhukumoo 4:7

Ganda beeri foo bara no kaŋ goo nda koy kaŋ ga man a sanda takaa kaŋ nda Abadantaa, ir Koyoo ga man ir waati kul kaŋ ir nʼa cee?