Alhukumoo 4:27 - Songhai de Gao Bible

²⁷ Abadantaa ga war say-say dumey ra, boro hinna kaccu no ma cindi gandawey kaŋ ra Abadantaa ga war ka koy.

Alhukumoo 4:27 ပူးပေါင်းရင်းမြစ်များ

Šintinoo 11:4

I nee cere se koyne: «Wa kaa, ir ma koyra cin ir boŋ se kaŋ ra soorohugu kuku goo kaŋ boŋoo ga too beenaa. Ir ma maa tee ir boŋ se hala ir masi duu ka say-say laboo kul boŋ.»

Šintinoo 34:30

Yakuba nee Simewoŋ nda Lewi se: «War nʼay tooɲe kʼay tee konnayhaya Kanaŋ borey nda Ferezi borey se kaŋ goo gandaa ra. Ay sii nda boro boobo, i ga marga ka kaa ay ga, i gʼay kar hala ya dere sõy, agay nda ay hugoo.»

Nehemi 1:3

I nee ya ne: «Borey kaŋ mana buu tamtaraa ra kaŋyaŋ goo ma huna gandaa zamnaroo ra kaŋ ti Žuda ra goo binemarayyaŋ beeri ra nda kaynayan ra, kayriyaŋ goo Žerizalem cetaa ra, i na nuune ka nga ganbey ton.»

Zaburey 106:27

ka ngi hayroo kaŋandi dumey ra, kʼi say gandawey kul ra.

Zaburey 44:11

Nʼnʼir zurandi ir torrokey jine, borey kaŋ ga konna ir gʼir jinawey kul kom.

Zaburey 44:12

Nʼgʼir daŋ kabe ra sanda feejiyaŋ kaŋ i gʼi ŋaa, nʼnʼir say dumey ra.

Sargarey 26:33

War, ay ga war say gandawey ra, ay ga takuba ka war gaaray. War gandaa ga halaci, war koyrawey ga tee saaji.

Alhukumoo 28:36

Abadantaa ga ni nda ni kokoyoo kaŋ nʼnʼa daŋ ni boŋ ka koy ganda ra kaŋ nʼsʼa bay, ni baabey sʼa bay, no din ra nʼga koy tanayaŋ gana kaŋyaŋ ti bundu nda tondi.

Alhukumoo 29:28

Haya tugantey manʼti kala Abadantaa, ir Koyoo wane, haya fatawantey manʼti kala ir wane, ir nda ir izey se hala abada hala ir ma ašariyaa woo šenney kul ka dira.»

Alhukumoo 30:3

woo ra Abadantaa, ni Koyoo ga ni takaa hanse. A ga tamalla ma ne, a ga ni marga ka hun dumey kul kaŋ ra Abadantaa, ni Koyoo na ni say-say.

Alhukumoo 32:26

Ay nee ay boŋ se: ‹Ay gʼi say-say kʼi benandi, ay ga kate borey masi yee ka hongu ey,