Alhukumoo 34:5 - Songhai de Gao Bible

⁵ Musa, Abadantaa tamoo buu no din ra, Mowab gandaa ra, Abadantaa šennoo ga.

Alhukumoo 34:5 ပူးပေါင်းရင်းမြစ်များ

Kokoyey 2to 1:17

Akaziya buu ka sawa nda Abadantaa šennoo kaŋ Ilyasu sanbandi a mʼa har. Woo gar a sii nda izʼaru, nga armaa Žoram tee kokoy dogoo ra. Woo teendi Žuda kokoyoo Žoram kaŋ ti Žozafat izʼaroo laamaa jiiri hinkantoo ra.

Taarikey 2to 1:3

Sulaymaana koy, nga nda margaroo woo kul sargari kaadogoo ra kaŋ goo Gabawoŋ koyraa ra, zama no din no Irkoy cere kubayyan hukkumoo goo kaŋ Abadantaa tamoo Musa nʼa tee saajoo ra.

Kabuyaney 12:7

Amma manʼti takaa din no ay tamoo Musa bande, ay hugoo kul ra boro laadirantaa no.

Alhukumoo 31:14

Abadantaa nee Musa se: «Ni buuroo waatoo man. Žozuwe cee, war ma kay cere kubayyan hukkumoo ra. Ay gʼa noo ay yaamarey.» Musa nda Žozuwe koy kay cere kubayyan hukkumoo ra.

Alhukumoo 31:16

Abadantaa nee Musa se: «Nʼga koy ni baabey gar alaahara. Jamaa woo ga koy izefututaray tee koy waaniyaŋ bande, wey kaŋ goo gandaa kaŋ ra i ga huru. I gʼay naŋ, i ga agay amaanaa dunbu kaŋ ay nʼa daŋ agay nda ey game.

Alhukumoo 32:50

Nʼga buu tondi hondoo boŋ kaŋ ga nʼga žigi, nʼga ni hayragey gar alaahara, sanda Haruna, ni armaa kaŋ buu Hor tondi hondoo ga, de a na nga hayragey gar alaahara.

Timote bataga 2to 2:25

Nga kakawkey, a mʼi cawandi nda bineyaynay, a ga hin ka tee Irkoy mʼi noo fondo i ma tuubi ka cimoo bay

Piyer bataga 2to 1:1

Agay Simoŋ Piyer kaŋ ti Isa Almasihu tam nda nga diyaw ka batagaa woo hantum borey se kaŋ duu ir bande naanaa alhaku follokaa ir Koyoo kaŋ ti ir Hallasikaa Isa Almasihu šerretaraa albarkaa ra.

Bangandiroo 15:3

I ga Musa, Irkoy tamoo doonoo, nda Feeji-izoo doonoo don ka nee: «Ir Koyoo Irkoy, Hini-kul-koyoo, ni teegoyey ga beeri, i ga kayfandi. Gandawey Kokoyoo, ni fondawey ga šerre, cimiyaŋ no!