Alhukumoo 33:8 - Songhai de Gao Bible

⁸ Lewi ga, a nee: «Abadantaa, ni alkurraa goy jinawey kaŋ ti Tumim nda Urim mana talfandi kala boraa ga kaŋ laadir ni here, boraa no kaŋ nʼnʼa sii Masa (maanaa ‹siiyan›), boraa kaŋ ga nʼna yenje wiri Meriba (maanaa ‹yenje›) haroo do.

Alhukumoo 33:8 ပူးပေါင်းရင်းမြစ်များ

Taarikey 2to 23:6

Boro kul masi huru Abadantaa hugoo ra, nda manʼti sargari juwalkey nda Lewi borey hinne kaŋ ga goy no din. I ga hin ka huru, zama i ga henan. Jamaa kul ga hima ka Abadantaa yaamarey beerandi.

Ezra 2:63

Goforneroo nee i se kaŋ i masi hayey ŋaa kaŋ ga hanse ka henan hala sargari juwalkaw ma kaa kaŋ ga alkurraa goy jinawey kaŋ ti Urim nda Tumim ka gunandi ka dii.

Ezra 8:28

Ay nee i se: «War manʼti kala boroyaŋ kaŋ yeetandi jere ga Abadantaa se, jinawey wey yeetandi jere ga a se, nzorfoo nda wuragoo woo ti sargari kaŋ i nʼa kaa nda ngi boŋ Abadantaa, war baabey Koyoo se.

Nehemi 7:65

Goforneroo nee i se kaŋ i masi hayey ŋaa kaŋ hanse ka henan hala sargari juwalkaw ma kaa kaŋ ga alkurraa goy jinawey kaŋ ti Urim nda Tumim ka gunandi ka dii.

Zaburey 106:16

Kaloo ra i canse Musa ga nda Haruna ga kaŋ ti Abadantaa boro henanantaa.

Zaburey 16:10

Zama nʼsʼay hundoo naŋ alaahara se, nʼsi naŋ ni boro henanantaa ma funbu saaraa ra.

Zaburey 81:7

«Ay na jeraw zaa jesey ga, kabey hun kokondaa cire.

Fattaroo 17:7

Yenjaa kaŋ Izirayel borey nʼa tee nda siiyanoo maaganda kaŋ i nʼa tee Abadantaa se ka nee: «Abadantaa goo ir game wala a sii ir game?» Woo maaganda a na nongoo maaɲoo daŋ Masa (maanaa «siiyan») nda Meriba (maanaa «yenje»).

Fattaroo 28:30

Ma alkurraa goy jinawey kaŋ ti Urim nda Tumim jisi ciitoo albaytoo ra, hala i ma bara Haruna gandey ga waati kaŋ a ga huru ka kay Abadantaa jine. Izirayel borey ciitoo ga cindi Haruna gandey ga Abadantaa jine hala abada.»

Fattaroo 28:36

Woo banda ga, ma wura alhakiika teɲa taalam tee, ma žeeri ka hantum a ra sanda tammaasa kaŋ ga nee: ‹A yeetandi jere ga Abadantaa se.›

Sargarey 21:7

I masi woykuuru wala woy kaŋ maaɲoo hasara zaa hiijay, i masi woy zaa kaŋ kurɲoo nʼa fay, zama sargari juwalkaw ga henan, a yeetandi jere ga nga Koyoo se.

Sargarey 8:8

A na albaytoo daŋ gandey ga ka alkurraa goy jinawey kaŋ ti Urim nda Tumim daŋ albaytoo ra.

Kabuyaney 16:5

A šelaŋ Kora nda nga jamaa kul se ka nee: «Suba subbaahi Abadantaa ga bayrandi boro kaŋ ti nga wane nda boro kaŋ ga henan. A gʼa manandi nga. Boraa kaŋ a nʼa suuba, a gʼa manandi nga.

Kabuyaney 20:13

Nga ti Meriba (maanaa «yenje») haroo kaŋ ra Izirayel borey na yenje ceeci Abadantaa ga kaŋ na nga henanyanoo cebe i game.

Kabuyaney 20:24

«Haruna ga koy nga hayragey gar alaahara, a si huru gandaa ra kaŋ ay nʼa noo Izirayel borey se, zama war ture ay yaamaroo ga Meriba haroo do.

Kabuyaney 27:21

A ma kay sargari juwalkaa Eleyazar jine kaŋ ga Irkoy ibaayoo ceeci a se nda alkurraa goy jinawey kaŋ ti Urim Abadantaa jine. Eleyazar yaamaroo ga, Žozuwe nda Izirayel borey jamaa kul ga koy, nga yaamaroo ga, i ga yee kate.»

Kabuyaney 35:8

Koyrawey wey kaŋ war gʼi kaa Izirayel borey tuboo ra kʼi nondi, wey kaŋ goo nda iboobo ga iboobo noo, wey kaŋ goo nda ikaccu ga ikaccu noo. Alkabiila foo kul ga Lewi borey noo ka sawa nda tuboo kaŋ a duu a beeriyanoo.»

Alhukumoo 6:16

War masi Abadantaa, war Koyoo sii, sanda takaa kaŋ nda war nʼa sii Masa.

Alhukumoo 8:16

A na ni ŋandi saajoo ra man kaŋ ni baabey sʼa bay, hala nga ma ni yeeti ganda, ka ni sii, ka ihenna tee ma ne woo banda ga.

Alhukumoo 9:22

Tabera, nda Masa, nda Kiworot-Hataawa koyrawey ra war na Abadantaa futandi.

Eberewey batagaa 7:26

Nga ti sargari juwalkey jineboro dumoo kaŋ ga ir ga too. A ga henan, a si ifutu miile, žiibi sii a ga, a ga fay ka mooru zunubantey. Irkoy nʼa jer beenawey se beene.

Bangandiroo 3:7

«Hantum almalaykaa se kaŋ goo Filadelfi koyraa Egilizoo ra, nee a se: ‹Hayaa ne kaŋ boraa kaŋ ti Irkoy Boro Henanantaa, nga kaŋ ti Cimikoynoo, boraa kaŋ kone Dawda kufal-izoo goo gʼa har, boraa kaŋ ga haya feeri, boro kul si hin kʼa daabu, boraa kaŋ ga haya daabu, boro kul si hin kʼa feeri:

Samiyel 1na 28:6

Sawul na Abadantaa ibaayoo ceeci, Abadantaa manʼa zaabi, a manʼa zaabi handiri ra, a manʼa zaabi nda alkurra goy jinawey kaŋ ti Urim, a manʼa zaabi nda annabey.