Alhukumoo 32:5 - Songhai de Gao Bible

⁵ I na ngi boŋ hasara, manʼti nga no, haawoo manʼti kala nga izey wane, zamankasine golbante kaŋ ga Irkoy hoo.

Alhukumoo 32:5 ပူးပေါင်းရင်းမြစ်များ

Šintinoo 6:12

Irkoy dii kaŋ laboo hasara, zama takahaya foo kul kaŋ goo laboo boŋ na fondo futu zaa.

Zaburey 78:8

I masi tee sanda ngi baabey takaa, zaman-ize hiɲešenda, turante, zaman-ize kaŋ biney si šerre, de mo i mana laadir Irkoy here.

Fattaroo 32:7

Abadantaa šelaŋ Musa se ka nee: «Cahã ka zunbu, zama ni jamaa kaŋ nʼnʼa žigandi ka hun Misira gandaa ra hasara.

Yaasawey 8:8

Ay miɲoo šenney kul ga šerre, šiiriyan wala golbi kul sii i ra,

Kabuyaney 23:21

A mana dii ifutu Yakuba ra, a mana dii imeera Izirayel ra. Abadantaa, nga Koyoo goo a bande. Kobiroo kaŋ ga teendi kokoy se ga teendi a do.

Matiyu 16:4

Zamanoo woo borey manʼti kala boro laalayaŋ, zinateeri, i ga tammaasa kayfante ceeci, amma i sʼi noo tammaasa kaŋ manʼti woo kaŋ Yunusa nʼa tee.» Woo banda ga, Isa nʼi naŋ ka koy.

Matiyu 17:17

Isa zaabi ka nee: «Dumi kaŋ si naanay, a ga Irkoy hoo, hala waati foo no ay ga hima ka cindi war bande? Hala waati foo no ay ga hima ka war suuri? Wa kate ya ne zankaa.»

Matiyu 3:7

Kaŋ a dii Fariziyeŋ nda Sadusiyeŋ boobo kaa batizeyanoo se, a nee i se: «Gondi izey, may ka war waanandi war ma zuru Irkoy futayyanoo kaŋ ga kaa se?

Luka 9:41

Isa zaabi ka nee: «Dumi kaŋ si naanay, a ga Irkoy hoo, hala waati foo no ay ga hima ka cindi war bande ka war suuri? Kate ni izʼaroo.»

Yehiya 8:41

War, war ga war baabaa teegoyey tee.» I nee a se: «Ir, ir mana hayandi woy nda aru izefututaray ra, Baaba folloku bara ir se, Irkoy.»

Teegoyey 2:40

A na šenni booboyaŋ ka seedetaray tee i se kʼi hoyray ka nee: «Wa war boŋ hallasi war zamankasine golbantey wey ga.»

Teegoyey 7:51

War boŋey ga šendi, war biney nda war haŋawey ga šendi, waati kul war mo, war ga wanji Hundi Henanantaa se sanda war baabey takaa.

Korent borey bataga 2to 11:3

Amma ay ga hunbur, sanda takaa kaŋ nda gondoo na nga carmaa ka Haawa darga, takaa din da war lakkaley masi koy bere ka laadirtaray [nda henanyan] naŋ kaŋ Almasihu ga hima nda a.

Alhukumoo 31:29

Zama ay ga bay kaŋ ay buuroo banda ga, war ga war boŋ hasara. War ga fondaa naŋ kaŋ ay nʼa yaamar war se, de waatey kaŋ ga kaa ra bone ga war kubay waati kaŋ war na goy futu tee Abadantaa jine kaŋ nʼa futandi.»

Alhukumoo 32:20

A nee: ‹Ay ga agay ndumoo tugu i se, ay ga dii haya kaŋ noo ngi kokoroo ga ti a. Alwadda laala izeyaŋ no, izeyaŋ no kaŋ si laadir.

Alhukumoo 4:16

war masi koy war boŋ hasara ka tooru hanse, koy kul kaŋ assuuraa no, a ma tee aru dumi, wala woy,

Alhukumoo 4:25

Waati kaŋ ni duu ize nda haamayaŋ, waati kaŋ war gay gandaa ra, nda war na war boŋ hasara, nda war na tooru hanse, kunturu dumi kul kaŋ no, nda war na goy futu tee Abadantaa, ni Koyoo jine kaŋ nʼa futandi,

Alhukumoo 9:24

Turanteyaŋ ti war Abadantaa ga za hanoo kaŋ ay na war bay.

Filipi borey batagaa 2:15

War ma duu ka tee boroyaŋ kaŋ ga taali sii, boroyaŋ kaŋ ga henan, Irkoy izeyaŋ kaŋ ga laybu sii zamankasine golbante ra kaŋ ga Irkoy hoo kaŋ gamey ra war ga tee sanda gaayyaŋ kaŋ ga dii aduɲɲa ra

Alkaaley 2:19

Amma nda alkaaloo buu, i ga yee ka šintin ka ngi goy laaley tee ka bisa woo kaŋ ngi baabey nʼa tee, i ga hanga koy tanayaŋ ka sujudu i jine. I mana haya kul naŋ ngi goy žeeney nda ngi boŋšendaa ra.