Alhukumoo 32:46 - Songhai de Gao Bible

⁴⁶ a nee i se: «Wa miile šenney kul ga kaŋ ay nʼi har war se hõ ka war izey yaamar i ma gaabandi ka ašariyaa šenney wey kul ka dira.

Alhukumoo 32:46 ပူးပေါင်းရင်းမြစ်များ

Taarikey 1na 22:19

Sohõ, wa gaabandi ka Abadantaa ceeci nda war biney kul nda war hundey kul. Wa tun ka Abadantaa, war Koyoo nongu henanantaa cin hala war ma duu ka Abadantaa amaanaa sundukoo nda Irkoy nongu henanantaa jinawey daŋ hugoo ra kaŋ ga kaa ka cinandi Abadantaa maaɲoo ga.»

Zaburey 78:5

A na seedetaray naŋ Yakuba borey game, a na ašariya gorandi Izirayel boŋ, kʼir baabey yaamar i mʼi bayrandi ngi izey se,

Yaasawey 12:28

Hunayan sii kala šerretaray fondaa ra, buuyan sii fondaa din ga.

Luka 9:44

«Wa war haŋawey kayandi ka maa hayaa kaŋ ay gʼa har. Boro-izʼaroo ga kaŋandi adamizey kabey ra.»

Alhukumoo 11:18

Wʼay šenney wey kaŋ ay gʼi har war se daŋ war biney nda war hundey ra. War mʼi haw war kabey ga sanda tammaasa, mʼi haw war teɲawey mo ga.

Alhukumoo 11:19

War mʼi cawandi war izey se, war mʼi har waati kaŋ ni goo hugey do, nda waati kaŋ nʼga dira, nda waati kaŋ nʼga kani nda waati kaŋ nʼga tun.

Alhukumoo 32:45

Waatoo kaŋ Musa na šenney kul har Izirayel kul jine ka ben,

Alhukumoo 4:6

War mʼi dii, war mʼi ka dira, woo ra dumey kaŋ ga maa hantumey wey kul ga dii kaŋ war goo nda lakkal nda bayray. I ga nee: ‹Gandaa beeroo woo manʼti kala dumi kaŋ goo nda lakkal, a ga faham.›

Alhukumoo 4:9

«Amma ni boŋ hawgay, ma ni boŋ lakkal ni hunaroo kul ra, masi koy dirɲa hayey kaŋ ni moɲey dii ey i ma hun ni binoo ra. Mʼi bayrandi ni izey se nda ni izey izey se.

Eberewey batagaa 2:1

Woo maaganda se ir ga hima ka hanse ka hawa hayey kaŋ ir maarʼey ga hala ir masi fondaa naŋ.