Alhukumoo 32:4 - Songhai de Gao Bible

⁴ Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Alhukumoo 32:4 ပူးပေါင်းရင်းမြစ်များ

Šintinoo 1:31

Irkoy na hayey kul laasaabu kaŋ a nʼi tee. A dii kaŋ i hanse ka boori. Cijin foo kaa, subbaahi foo kaa. Woo ti zaari idduwantoo.

Šintinoo 18:25

Woo manʼti ni goyoo: ka boro šerrantey halaci ifutawey bande taka kaŋ ra išerrantey nda ifutawey kul ma tee afolloku. Woo manʼti ni goyoo! Ni kaŋ ga aduɲɲa kul ciiti, manʼti cimi nda nʼga ciiti wala?»

Samiyel 2to 22:47

Abadantaa ga huna, albarka ma bara ay Tondoo se! Irkoy kaŋ ti ay hallasiroo Tondoo ma jerandi.

Samiyel 2to 23:3

Izirayel Koyoo šelaŋ, Izirayel Tondoo nee ya ne: ‹Kokoyoo kaŋ ga ciiti borey se nda šerretaray, kaŋ ga jamaa laama nda Irkoy hunburaa,

Taarikey 2to 19:7

Sohõ, yala Abadantaa hunburaa ma bara war ra, wa hawgay, wa lakkal daŋ war dira takaa se, zama Abadantaa, ir Koyoo si baa haya kaŋ si šerre, a si baa ka borey bisandi cere, a si baa sufuray taayan.»

Nehemi 9:8

Ni dii kaŋ a ga laadir, nʼna amaana daŋ ni nda a game, ka nga hayroo noo gandaa kaŋ ti Kanaŋ borey, nda Heti borey, nda Amor borey, nda Ferezi borey, nda Žebuz borey, nda Girgaši borey wane. Hayaa kaŋ nʼnʼa har, nʼnʼa tee, zama nʼga šerre.

Ayuba 34:10

Woo se adamize lakkalkoyney, wa haŋajer ya ne! Irkoy nda goy futu ga mooru cere. Hini-kul-koyoo nda šerre jaŋay ga mooru cere.

Ayuba 35:14

Amma ni ka nee kaŋ nʼsi dii a, ni misoo goo a jine, a batu!

Ayuba 36:23

May no ma hin ka hayaa a har a se kaŋ a mʼa tee? May no ma hin ka nee a se: ‹Woo kaŋ nʼnʼa tee mana boori›?

Ayuba 8:3

Irkoy ga ciiti barmay wala? Hini-kul-koyoo ga šerretaray barmay wala?

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 138:8

Abadantaa ga haya kul benantaa tee ya ne gomni. Ni borohennataraa si ben abada. Masi ni kabey teegoyey fur.

Zaburey 145:17

Abadantaa ga šerre nga fondawey kul ra, a ga laadir nga teegoyey kul ra.

Zaburey 146:6

Nga kaŋ na beenaa nda laboo tee, nda teekoo nda haya kul kaŋ goo a ra, nga kaŋ ga laadir hala abada.

Zaburey 18:2

A nee: «Abadantaa, ay ga baa ni, ni ti agay albarkaa!

Zaburey 18:46

Yawey alfaydaa ben, i ga fatta ngi tugudogey ra nda jijiriyan.

Zaburey 19:7

A ga tun beenaa kaydogey ga, a ga nga zuraa benandi boŋ faa ga, nga konnoo si haya kul naŋ.

Zaburey 31:5

Mʼay kaa kumsaa ra kaŋ i nʼa hirri ya ne, zama ni ti nongoo kaŋ ra ay ga tugu.

Zaburey 33:4

Zama Abadantaa šennoo ga šerre, nga goyey kul ga tee nda cimi.

Zaburey 78:35

Lakkaley zunbu kaŋ Irkoy ti ngi Tondoo, kaŋ Irkoy Jerantaa ti ngi Feerikaa.

Zaburey 9:16

Gandawey kaŋ guusoo ra kaŋ i nʼa tee, ngi cewey kaŋ sankaa ra kaŋ i tugu kʼa daaru.

Zaburey 90:16

Ni teegoyey cebe ni tamey se ka ni beeraa cebe ngi izey se.

Zaburey 92:15

Ba ngi žeenay ga i ga ize tee, i ga gani, fitawey ga firzi

Zaburey 97:2

Duula nda kubay koma gʼa kuubi kʼa bere, šerretaray nda cimi ti nga kokoytaraa asaasoo.

Zaburey 98:3

A hongu Izirayel hugoo borey ka nga borohennataraa nda nga laadirtaraa cebe i se, Laboo kanjey kul dii ir Koyoo hallasiroo.

Zaburey 99:4

I ma Kokoyoo kaŋ ga baa šerretaray hinoo mo saabu. Ni no ma cimoo tabatandi, ni no ma cimi nda šerretaray tee Yakuba borey ra.

Fattaroo 34:6

Abadantaa bisa Musa jine, a nee: «Abadantaa, Abadantaa, Irkoy tamallakoyoo kaŋ ga alhormo tee, kaŋ si cahã ka futu, kaŋ ga too met nda borohennataray nda laadirtaray,

Waazukaa 3:14

Ay yadda kaŋ haya kul kaŋ Irkoy nʼa tee ga cindi abada. Boro si haya tonton a ga, boro si haya kaa a ra. Irkoy nka woo tee hala borey ma hunbur nga.

Matiyu 5:48

War, war ma tee boroyaŋ kaŋ tee ka timme sanda takaa kaŋ nda war Baabaa Irkoy kaŋ goo beenaa ra ga timme.»

Yehiya 1:14

Šennoo tee boro, a goro ka waati tee ir game. Ir na nga daržaa guna sanda Izʼaru bajja folloku daržaa kaŋ hun Baabaa Irkoy do. A ga too nda anneema nda cimi.

Yehiya 1:17

Zama Musa bande ašariyaa kaa, Isa Almasihu bande anneemaa nda cimoo kaa.

Yehiya 14:6

Isa nee a se: «Agay, agay ti fondaa, nda cimoo, nda hunaroo. Boro kul si too Baabaa Irkoy do nda manʼti nda agay.

Yehiya 5:22

Koyne mo Baabaa Irkoy si boro kul ciiti, amma a na ciitoo kul noo Izʼaroo se,

Rom borey batagaa 1:32

Ba kaŋ i ga Irkoy šerretaraa bay kaŋ ti borey kaŋ ga hayey wey dumey tee ga hima nda buuyan, woo kul, i ga teegoyey wey tee, de mo a ga kan i se ngi ga dii borey gʼi tee.

Rom borey batagaa 2:2

Ir ga bay kaŋ borey kaŋ ga hayey wey dumey tee, Irkoy gʼi ciiti nda cimoo.

Rom borey batagaa 2:5

Nʼga šendi, ni binoo si barmay, ni goo ma futay marga ni boŋ se futuroo hane kaŋ ra Irkoy ciiti šerrantaa ga bangay.

Rom borey batagaa 3:5

Amma nda ir šerretaray jaŋaa ga Irkoy šerretaraa cebe, macin no ir ma nee? Irkoy nka si šerre waati kaŋ a ga nga futayyanoo doori? – Adamize takaa nda ay ga šelaŋ. –

Korent borey bataga 1na 10:4

de mo i kul na haŋhaya follokaa haŋ kaŋ Irkoy nʼa noo, zama i ga hayaa kaŋ Irkoy nʼa noo haŋ tondoo ra, tondoo manʼti kala Almasihu.

Alhukumoo 10:18

A ga faasa alyatim nda woy kaŋ kurɲoo buu se, a ga baa yaw, a gʼa noo ŋaayan nda bankaaray.

Alhukumoo 32:15

Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Alhukumoo 32:18

Nʼna Tondoo yala kaŋ na ni daŋ aduɲɲa ra, ni dirɲa Koyoo kaŋ na ni hay.

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Žak batagaa 4:12

Boro folloku ti ašariyaa gorandikaa nda nga ciitikaa, a ga hin ka boro hallasi, a ga hin kʼa halaci. Amma ni, ni ti may ka ni cinaa ciiti?

Piyer bataga 1na 2:6

Zama a hantumandi Citaaboo ra ka nee: «Nga ne, ay ga hugoo kanjoo tondi foo kanandi Siyoŋ koyraa ra. Tondi suubante no kaŋ hayoo ga boobo. Boro kaŋ naanay a si haw hala abada.»

Samiyel 1na 2:2

Boro kul si too Abadantaa henanyan. Koy sii no ni banda ga. Tondi sii no sanda ir Koyoo.