Alhukumoo 32:30 - Songhai de Gao Bible

³⁰ Taka foo nda boro foo ga boro zenber foo (1.000) gaaray? Taka foo nda boro hinka ga boro zenber woy (10.000) gaaray, nda ngi Tondoo manʼi nondi, nda Abadantaa manʼi daŋ kabe ra?

Alhukumoo 32:30 ပူးပေါင်းရင်းမြစ်များ

Kokoyey 1na 14:16

A ga Izirayel fur zunubey kaŋ Žeroboham nʼi tee, de a na Izirayel kaŋandi i ra maaganda se.»

Kokoyey 2to 7:5

I tun almaaroo ra ka koy Siiri borey kaloo do. Waatoo kaŋ i too Siiri borey kaloo miɲoo ga, i gar boro kul sii no.

Taarikey 1na 12:14

iwoyantoo (10to) ti Žeremi, iwoy cindi faantoo (11to) ti Makbanay.

Taarikey 2to 24:24

Siiri wongu-ize jamaa kaa nda aru hinna kaccu, woo kul, Abadantaa naŋ i ma hin wongu-ize tana jamaa beeri, zama i nka Abadantaa, ngi baabaa Koyoo naŋ. Takaa woo nda i na ciitoo kaŋandi Žowas boŋ.

Ayuba 11:10

Nda a ga bisa, nda a ga daaba, nda a ga ciya, may no mʼa ganji?

Ayuba 16:11

Irkoy nʼay daŋ boro laalayaŋ kabey ra, a nʼay kaŋandi boro yaadayaŋ kabey ra.

Zaburey 31:8

Ay ga yafarhã, ay ga ɲaali nda ni borohennataraa, zama ni dii ay binemaraa, nʼnʼay hundoo binehẽeney bay.

Zaburey 44:12

Nʼgʼir daŋ kabe ra sanda feejiyaŋ kaŋ i gʼi ŋaa, nʼnʼir say dumey ra.

Sargarey 26:7

War ga war iberey gaaray, takuba gʼi kaŋandi war jine.

Sargarey 26:8

Boro guu war ra ga zangu (100) gaaray i ra, zangu (100) war ra ga zenber woy (10.000) gaaray, takuba ga war iberey kaŋandi war jine.

Matiyu 18:25

Kaŋ tamoo si hin kʼa bana, nga koyoo daŋ i ma nga, nda wandoo, nda izey, nda haya kul kaŋ goo a se neere ka nga bana.

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Žozuwe 23:10

Boro foo war ra ga boro zenber foo (1.000) gaaray, zama Abadantaa, war Koyoo no ma wongu war se, sanda takaa kaŋ nda a nʼa har war se.

Alkaaley 2:14

Abadantaa futu Izirayel ga, a nʼi daŋ komakawyaŋ kabey ra kaŋ nʼi kom, a nʼi kaŋandi iberey kabey ra kaŋ gʼi kuubi ka bere. I mana yee ka hin ka kay ngi iberey jine.

Alkaaley 3:8

Abadantaa futu Izirayel ga, a nʼi kaŋandi Kušaŋ-Rišatayim kaboo ra kaŋ ti Mezopotami kokoyoo. Izirayel borey cindi Kušaŋ-Rišatayim cire jiiri yaaha.

Samiyel 1na 2:2

Boro kul si too Abadantaa henanyan. Koy sii no ni banda ga. Tondi sii no sanda ir Koyoo.