Alhukumoo 32:21 - Songhai de Gao Bible

²¹ I nʼay canseroo tunandi nda hayayaŋ kaŋ manʼti Irkoy, i nʼay futandi nda haya yaadayaŋ. Agay, ay ga ngi canseroo tunandi nda haya kaŋ manʼti jama, ay gʼi futandi nda dumi hollokom.

Alhukumoo 32:21 ပူးပေါင်းရင်းမြစ်များ

Kokoyey 1na 14:22

Žuda borey na goy futu tee Abadantaa jine. I na zunubu tee ka bisa wey kaŋ ngi baabey nʼi tee ka Abadantaa canseroo tunandi.

Kokoyey 1na 14:9

Nʼna goy futu tee ka bisa borey kul kaŋ bisa ni jine. Ni koy, nʼna koy tanayaŋ tee ni boŋ se. Nʼna guuru mennandi kʼa tee tooruyaŋ kʼi gana, nʼnʼay binoo tunandi. Nʼnʼay warra ni banda ga.

Kokoyey 1na 16:13

Woo kul, Bayeša nda nga izʼaroo Ela zunubey ka kate a, ka Izirayel borey kaŋandi zunubu ra ka Abadantaa, Izirayel Koyoo futandi nda ngi haya yaadawey.

Kokoyey 1na 16:26

Omri hanga fondaa kaŋ bande Nebat izʼaroo Žeroboham hanga, ka nga zunubey cine tee, ka Izirayel borey kaŋandi zunubu ra, ka Abadantaa, Izirayel Koyoo futandi nda ngi haya yaadawey.

Kokoyey 2to 17:11

I na dugu dullandi tooru ganadogey kul ra sanda jamawey kaŋ Abadantaa nʼi dii ka koy i jine. I na haya futuyaŋ tee kaŋ na Abadantaa futandi.

Kokoyey 2to 17:15

I na nga hantumey fur, i na amaanaa kaŋ a nʼa daŋ nga nda ngi hayragey game dunbu. Hoyrawey kaŋ a nʼi daŋ i se, i manʼi dii. I hanga koyyaŋ kaŋ manʼti kala yaada, de mo ngi hundey tee yaada. I hanga gandawey kaŋ gʼi kuubi kʼi bere bande, ka gar Abadantaa nee kaŋ i masi hanga i bande.

Kokoyey 2to 21:6

A na nga izoo ton nuune ra kʼa tee sargari, a ga kotte nda gunandiyan tee. A na boroyaŋ daŋ kaŋ ga bukawey cee kʼi hãa, i ga haya har kaŋ ga kaa ka tee. A koy jine ka goy futu tee Abadantaa jine kaŋ nʼa futandi.

Kokoyey 2to 22:17

Zama i na nga fur, de i na dugu dullandi koy tanayaŋ se, nda teegoyey kul kaŋ i nʼi tee nʼa futandi, nga futuroo tonton nongoo woo ga, a si ben.»

Zaburey 31:6

Ay gʼay hundoo daŋ ni kaboo ra kʼa talfi ni ga. Nʼnʼay feeri, Abadantaa, cimi Koyoo.

Zaburey 78:58

I nʼa futandi nda ngi tooru ganadogey, i na canse tunandi a ra nda ngi tooru assuurawey.

Yunusa 2:8

Waatoo kaŋ ay huru buuyan nda hunayan gamoo ra, ay na ni cee, Abadantaa, de ŋaarayroo kaŋ ay nʼa tee, too hala ni do hugoo kaŋ ra i ga ni ŋaaray.

Teegoyey 11:15

Waatoo kaŋ ay šintin ka šelaŋ, Hundi Henanantaa zunbu i boŋ sanda takaa kaŋ nda a zunbu ir boŋ cee jinaa.

Teegoyey 14:15

ka nee: «Arey, cin se war ga hayey wey tee? Ir mo manʼti kala war cine adamizeyaŋ, ir ga Alhabar Boryaa bayrandi war se, wa mooru haya yaadawey wey ga ka bere Irkoy hunantaa here kaŋ na beenaa, nda laboo, nda teekoo, nda haya kul kaŋ goo i ra tee.

Rom borey batagaa 10:19

Ay nee koyne: «Izirayel nka mana faham šennoo se wala?» Za gayyan ga Musa nee Irkoy ka nee: «Ay ga kate war ma canse dumi buuna ga. Ay ga war futandi dumi ga kaŋ sii nda lakkal.»

Rom borey batagaa 9:25

Sanda takaa kaŋ nda Irkoy nʼa har Oze citaaboo ra ka nee: «Jamaa kaŋ manʼti ay jamaa, ay gʼa cee ay jamaa, boraa kaŋ manʼti ay baakaa, ay gʼa cee ay baakaa.»

Korent borey bataga 1na 10:22

Wala ir mma baa ir Koyoo ma canse wala? Ir mma bara nda gaabi nda a wala?

Alhukumoo 32:16

I ga nga canseroo tunandi nda koy waaniyaŋ ganayan, i ga almuhalyaŋ tee kaŋ nʼa futandi.

Alhukumoo 32:17

I ga sargari kaa ganjey se kaŋyaŋ manʼti Irkoy, koyyaŋ kaŋ i sʼi bay, itaagayaŋ kaŋ kaa a mana gay, kaŋyaŋ war baabey manʼi gana.

Samiyel 1na 12:21

War masi mooru a ga ka koy hanga haya yaadayaŋ bande kaŋ si haya hanse war se, i si war feeri, zama i manʼti kala yaada.