Alhukumoo 32:15 - Songhai de Gao Bible

¹⁵ Yešurun warga, a na tafa. Ni warga, ni naasu, ni yuttu. A na Koyoo naŋ kaŋ nʼa tee, a na nga hallasiroo Tondoo kaynandi.

Alhukumoo 32:15 ပူးပေါင်းရင်းမြစ်များ

Samiyel 2to 22:47

Abadantaa ga huna, albarka ma bara ay Tondoo se! Irkoy kaŋ ti ay hallasiroo Tondoo ma jerandi.

Taarikey 1na 5:25

Amma i na ngi hayragey Koyoo hoo, zama gandaa kaŋ Irkoy na nga borey halaci kʼi kaa i jine, wey din koyey no i koy hanga ey kʼi gana ka izefututaray tee i bande.

Taarikey 2to 12:1

Waatoo kaŋ Roboham laamaa tabati, de mo nga hunday duu hinay, a na Abadantaa ašariyaa naŋ, Izirayel kul nʼa naŋ a bande.

Taarikey 2to 26:16

Amma waatoo kaŋ a duu gaabi, binoo beeri hala nongu kaŋ ra a halaci. A na haya tee Abadantaa, nga Koyoo se kaŋ si teendi ka huru Abadantaa hugoo ra ka dugu dullandi dugu dullandidogoo ra.

Nehemi 9:25

I na koyrayaŋ kaŋ kuubandi nda cete dii nda labu hennayaŋ, huguyaŋ huru ngi mayraa ra kaŋ ga too nda haya henna dumi kul, day fanšanteyaŋ, nda alaneb faari, nda zaytuɲaa, nda tuuri boobo kaŋ izey ga ŋandi. I ŋaa hala i kungu, i na gaaham tee, i huna kaani ra ni borohennataray beeroo ra.

Nehemi 9:26

Amma i ture, i tun ma ne. I na banda bere ni ašariyaa se, i na ni annabey wii kaŋ gʼi teje i ma willi ni ga, i hanse ka ni tooɲe.

Ayuba 15:27

Ndumoo ga too nda maani, carawey ga too nda maani.

Zaburey 100:3

War ma bay kaŋ Abadantaa ti Irkoy, nga kʼir tee, ir ti nga wane, ir ti nga jamaa, nga alman kuroo kaŋ a gʼa kur.

Zaburey 119:70

Ngi lakkaley nka daaba, agay, ni yaamarey ti ay ɲaaloo.

Zaburey 17:10

Biney ga kogu, i ga šelaŋ nda deenebeeray.

Zaburey 18:46

Yawey alfaydaa ben, i ga fatta ngi tugudogey ra nda jijiriyan.

Zaburey 73:7

I naasu hala moɲey mma nere, miile futawey kaŋ goo biney ra si kabandi.

Zaburey 81:11

Agay ti Abadantaa, ni Koyoo, woo kaŋ na ni fattandi ka hun Misira gandaa ra. Ni miɲoo feeri ka boori, ay gʼa too.

Zaburey 89:26

Ay ga teekoo daŋ kaboo ra, ka isawey daŋ kabe gumaa ra.

Zaburey 89:27

Nga, a gʼay cee ka nee: ‹Ni ti ay Baabaa, ay Koyoo, ay hallasiroo Tondoo.›

Zaburey 95:1

Wa kaa, ir ma kaati nda ɲaali Abadantaa se, ir ma yafarhã ir hallasiroo Tondoo se!

Teegoyey 28:27

Zama jamaa woo binoo šendi, i na ngi haŋawey tiŋandi, i na ngi moɲey daabu, hala ngi moɲey masi duu ka dii, ngi haŋawey masi duu ka maa, ngi biney masi faham, i masi tuubi, yʼi noo baani.›

Teegoyey 9:5

Sol nee: «May ti ni, ay Koyoo?» A nee: «Agay ti Isa kaŋ ni, nʼgʼa gurzugay.

Alhukumoo 31:16

Abadantaa nee Musa se: «Nʼga koy ni baabey gar alaahara. Jamaa woo ga koy izefututaray tee koy waaniyaŋ bande, wey kaŋ goo gandaa kaŋ ra i ga huru. I gʼay naŋ, i ga agay amaanaa dunbu kaŋ ay nʼa daŋ agay nda ey game.

Alhukumoo 31:20

Zama ay ga jamaa woo daŋ laboo ra kaŋ ay žee kaŋ ay gʼa noo nga baabey se, labu no kaŋ ra waa nda yuu ga tee hari. A ga ŋaa, a ga kungu, a ga warga, woo banda ga, a ga bere koy tanayaŋ here kʼi gana, i gʼay kaynandi ka agay amaanaa dunbu.

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Alhukumoo 32:6

Takaa woo nda war ga hima ka Abadantaa dii wala, jama hollokom kaŋ sii nda lakkal? Manʼti ni baabaa no kaŋ na ni taka wala? Manʼti nga ka ni tee ka ni gorandi wala?

Alhukumoo 33:26

«Ya Yešurun, boro kul si hima nda Irkoy. A ga zunbu ka hun beenaa ra duula ga ka kaa ka ni faaba nga daržaa ra.

Alhukumoo 33:5

A mana cindi ka tee kokoy kala Yešurun waatoo kaŋ jamaa boŋkoyney nda Izirayel alkabiilawey ga marga.»

Alkaaley 10:6

Izirayel borey yee ka goy futu tee Abadantaa jine. I na toorey kaŋ se i ga nee Bal nda Astarte gana kaŋyaŋ ti Siiri gandaa koyey, nda Sidoŋ koyey, nda Mowab koyey, nda Amoŋ borey koyey, nda Filisti borey koyey. I na Abadantaa naŋ, i mana yee kʼa gana.

Samiyel 1na 2:29

Macin se war gʼay sargarey nda ay nooyaney tee yaada kaŋ ay yaamar war mʼi kaa ay gorodogoo ra? Nʼga ni izey beerandi ka bisa agay hala nongu kaŋ ra war ga sargaroo kaŋ Izirayel, ay jamaa gʼi kaa nga nongu henney ka war boŋ naasandi.›