Alhukumoo 32:11 - Songhai de Gao Bible

¹¹ A ga hima nda dutal kaŋ ga nga izey tunandi nga tejoo ra, a ga ɲuuti-ɲuuti nga izey boŋ ka nga fatawey kʼi gum kʼi zaa, kʼi daŋ nga fitawey ra.

Alhukumoo 32:11 ပူးပေါင်းရင်းမြစ်များ

Šintinoo 1:2

Laboo sii nda taka kul, nga koonoo no. Kubay goo guusu beeroo boŋ, de Irkoy Hundoo cindi ka dira-dira haroo boŋ.

Zaburey 18:10

A na beenaa šiirandi ka zunbu nda duula koma kaŋ goo cewey cire.

Fattaroo 19:4

‹War dii hayaa kaŋ ay nʼa tee Misira borey se, sanda takaa kaŋ nda dutal ga nga izey zaa nga fatawey ra, ay na war zaa ka kate war ay do.

Alhukumoo 33:12

Benžameŋ ga, a nee: «Abadantaa baakaa no, a ga goro jeroo ga nda baani, zaaroo kul Abadantaa gʼa hawgay, Abadantaa jesey ra a ga goro.»

Eberewey batagaa 11:3

Naanayyan ka kate ir ma faham kaŋ Irkoy meešennoo ka aduɲɲa daaru, taka kaŋ ra hayey kaŋ ir ga dii ey mana hun kala hayey ra kaŋ moo si dii ey.

Bangandiroo 12:14

Dutal beeri fata hinkaa nondi woyoo se hala a ma deeši ka koy saajoo ra, nongoo kaŋ soolandi a se, i gʼa ŋandi no din jiiri hinza nda jere, nga nda gondoo ga mooru cere.

Bangandiroo 12:4

Nsunfaa na beenaa handarawey zamna ihinzaa affoo haabu nga bande kʼi warra laboo ga. Dragoŋoo ga kay woyoo jine kaŋ ga hima ka hay hala nga ma zankaa gon za a hayandi.