Alhukumoo 32:10 - Songhai de Gao Bible

¹⁰ A mana duu a kala saaji ganda ra, saaji bibi kaŋ ga wurru a ga kogu. A gʼa kuubi kʼa bere, a ga huga nda a, a gʼa dii sanda nga mootondoo.

Alhukumoo 32:10 ပူးပေါင်းရင်းမြစ်များ

Ester 6:13

Haman koy hayaa kul kaŋ duu nga filla nga wandoo Zereš nda nga cerey kul se. Nga hoyraykey nda nga wandoo Zereš nee a se: «Mardoše woo kaŋ jine ni šintin ka haw nda Alyahuudu no, nʼsi hin a se haya kul, a ben ma ne a here.»

Zaburey 107:40

Woo se a na kaynayan daŋ boŋkoyney ga, a nʼi ka windi-windi saaji ra kaŋ sii nda fattadoo.

Zaburey 17:8

Ay lakkal sanda ni mootondoo, ay tugu ni fatawey biyoo cire,

Yaasawey 7:2

Gaabu ay yaamarey ga hala ma duu ka huna, gaabu ay cawandoo ga sanda ni mootondoo.

Rom borey batagaa 2:18

nʼga nga ibaayoo bay, nʼga wan ka haya henney fay kʼi kaa cere ra, zama ašariyaa na ni cawandi.

Rom borey batagaa 3:2

Nga nafaa ga beeri nongoo kul here. Haya jinaa, Alyahuudey ga Irkoy na nga šenney talfi.

Alhukumoo 1:19

«Woo banda ga, Abadantaa, ir Koyoo yaamaroo ga, ir hun Horeb tondi hondoo do ka saaji beeri hunburantaa woo kul kaŋ war dii a dunbu ka bisa, ka hanga fondaa kaŋ ga koy Amor borey tondi hondey do, ir too Kadeš-Barneya.

Alhukumoo 1:31

nda saajoo ra kaŋ ra ni dii kaŋ Abadantaa, ni Koyoo na ni zaa sanda takaa kaŋ aru ga nga izʼaroo zaa, fondaa kul kaŋ ra war dira hala war ma too kate nongoo woo ra.

Alhukumoo 4:36

A na ni mandi nga jindoo kaŋ hun beenaa ra ka ni cawandi. Laboo ga, a na ni cebe nga nuune beeroo, nuunaa gamoo ra, ni maa nga šenney.