Alhukumoo 31:17 - Songhai de Gao Bible

¹⁷ Hanoo din, ay ga futu a ga. Ay gʼi naŋ, ay si agay ndumoo cebe i se. A ga gonandi, bone boobo nda binemarayyan ga duu a. I ga nee: ‹Kaŋ se Irkoy sii ir game, nga se bonawey wey duu ir wala?›

Alhukumoo 31:17 ပူးပေါင်းရင်းမြစ်များ

Kokoyey 1na 8:57

Yala Abadantaa, ir Koyoo ma cindi ir bande sanda takaa kaŋ nda a cindi ir baabey bande, a masʼir naŋ, a masʼir fur.

Kokoyey 2to 22:13

«Wa koy Abadantaa ibaayoo ceeci ya ne, nda jamaa se, nda Žuda gandaa kul se, citaaboo woo šenney kaŋ duwandi ga, zama Abadantaa futayyanoo ga beeri. A hanse ka futu ir here, zama ir hayragey mana haŋajer citaaboo woo šenney se. I mana dira nda takaa kaŋ nda a hantumandi ir ga.»

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 2to 15:2

A fatta ka Asa kubay ka nee a se: «Asa, nda Žuda borey kul, nda Benžameŋ borey, wa haŋajer ya ne! Abadantaa goo war bande nda war goo a bande. Nda war gʼa ceeci, a ga naŋ war ma duu nga, nda war nʼa fur, a ga war fur.

Taarikey 2to 21:10

Za woo ga, Edom borey ture ka hun Žuda hinoo cire hala hõ. Waati follokaa din ra Libna koyraa mo ture nga laamaa ga, zama a nka Abadantaa, nga baabey Koyoo fur.

Taarikey 2to 24:20

Irkoy Hundoo zunbu Yoyada izʼaroo Zakariya ga, a koy jamaa do ka nee i se: «Hayaa ne kaŋ Irkoy nʼa har, a nee: ‹Macin se war ga Abadantaa yaamarey hoo? War si koy jine, zama war nka Abadantaa naŋ, nga mo ga war naŋ.›»

Nehemi 9:32

Sohõ ir Koyoo, Irkoy beeroo, Hinikoyoo kaŋ ti hunburhaya, ni kaŋ ga amaana too, kaŋ ga borohennataray tee, zaraboo kaŋ duu ir, nda ir kokoyey, nda ir boŋkoyney, nda ir sargari juwalkey, nda ir annabey, nda ir baabey, nda ni jamaa kul za Asiri kokoyey waati hala hõ, masʼa guna sanda haya kaccu.

Ayuba 13:24

Macin se nʼga ni ndumoo bere ya ne, nʼgʼay dii sanda ni iberoo?

Ayuba 34:11

A ga adamize bana ka sawa nda nga teegoyey, a ga boro foo kul dii nda nga dira takaa.

Zaburey 104:29

Nʼna ni ndumoo bere i se, i ga hunbur, nʼna ngi hunsaroo dii, i ga dere ka willi laboo ra.

Zaburey 2:12

Wa nga izʼaroo summu, a masi koy futu war ga, war masi dere fondaa ra. Zama nga futuroo ga cahã sanda nuune. Borey duu gomni kaŋ ga ngi boŋ talfi a ga.

Zaburey 27:9

Masi ni ndumoo tugu ya ne, masi agay, ni tamoo gaaray nda futay, ni ti ay faabakaa, masʼay naŋ, masʼay yala, Irkoy kaŋ ti ay Hallasikaa!

Zaburey 30:7

Ay lakkalkanaa ra ay ga nee: «Abada, haya kul sʼay kaa ay dogoo ra!»

Zaburey 44:10

Amma woo kul, nʼnʼir fur, nʼnʼir boŋey haw, nʼsi yee koyne ka hanga ir wongu-ize jamawey.

Zaburey 89:46

Nʼna nga soogataraa zaarey kaccandi, nʼnʼa daabu nda haawi. Kay-kayna

Zaburey 90:11

May no ma ni futuroo gaaboo bay? May ma ni binetunyanoo bay sanda ni hunburaa?

Kabuyaney 14:42

War masi žigi ka koy, zama Abadantaa sii war game. War masi koy naŋ war iberey ma war kar.

Alhukumoo 29:20

Abadantaa gʼa fay kʼa kaa Izirayel alkabiilawey kul ra bone se, ka sawa nda amaanaa laalirey kul kaŋ hantumandi ašariyaa tiiraa woo ra.»

Alhukumoo 30:18

ay ga war bayrandi hõ kaŋ war ga tuusandi, war si duu aloomur laboo ga kaŋ ra nʼga bisa nda Žurdeŋ isaa ka huru kʼa mayray.

Alhukumoo 30:19

Hõ ay ga beenaa nda laboo tee seede war ga: ay na hunayan nda buuyan daŋ ni jine, ay na albarka nda laaliyan daŋ ni jine. Hunaroo suuba hala ma duu ka huna, ni nda ni hayroo,

Alhukumoo 31:18

Agay, hanoo din, ay si agay ndumoo cebe i se, haya futaa kul kaŋ i nʼa tee ka bere koy tanayaŋ here maaganda se.

Alhukumoo 7:21

Masi jiti ngi maaganda se, zama Abadantaa, ni Koyoo goo war game, Koy beeri no, hunburhaya no.

Alkaaley 10:6

Izirayel borey yee ka goy futu tee Abadantaa jine. I na toorey kaŋ se i ga nee Bal nda Astarte gana kaŋyaŋ ti Siiri gandaa koyey, nda Sidoŋ koyey, nda Mowab koyey, nda Amoŋ borey koyey, nda Filisti borey koyey. I na Abadantaa naŋ, i mana yee kʼa gana.

Alkaaley 6:13

Žedewoŋ nee a se: «Alha-naŋ ay koyoo, nda Abadantaa goo ir bande, macin se woo kul duu ir? Man Abadantaa teegoy kayfantey kul kaŋ ir hayragey nʼi deede ir se ka nee: ‹Abadantaa nka manʼir fattandi Misira wala?› Sohõ Abadantaa nʼir yala, a nʼir daŋ Majaŋ borey kabey ra.»