Alhukumoo 3:24 - Songhai de Gao Bible

²⁴ ‹Ay Koyoo, Abadantaa, ni šintin ka agay, ni tamoo cebe ni jeeraa nda ni kabe gaabantaa. May ti koyoo kaŋ goo beenaa ra nda laboo ga kaŋ ga hin ka goy tee kaŋ ga hima nda ni hinoo teegoyey?

Alhukumoo 3:24 ပူးပေါင်းရင်းမြစ်များ

Samiyel 2to 7:22

Nʼga beeri, ay Koyoo, Abadantaa. Ni cine sii no, woo kul kaŋ ir haŋawey maarʼa banda ga, koy sii no kala ni.

Kokoyey 1na 8:42

zama i ga kaa ka maa ni maa beeroo, nda ni kabe gaabantaa hinoo, nda a bere hugoo woo here ka ni ŋaaray,

Taarikey 2to 6:14

a nee: «Ya Abadantaa, Izirayel Koyoo, koy kul sii no sanda ni cine beenaa ra wala laboo ga. Ni tamey kaŋ ga ni fondaa gana nda ngi binoo kul, nʼga amaanaa too kaŋ goo ni nda ey game ka borohennataray tee i se.

Nehemi 9:32

Sohõ ir Koyoo, Irkoy beeroo, Hinikoyoo kaŋ ti hunburhaya, ni kaŋ ga amaana too, kaŋ ga borohennataray tee, zaraboo kaŋ duu ir, nda ir kokoyey, nda ir boŋkoyney, nda ir sargari juwalkey, nda ir annabey, nda ir baabey, nda ni jamaa kul za Asiri kokoyey waati hala hõ, masʼa guna sanda haya kaccu.

Zaburey 106:2

May no ma hin ka Abadantaa teegoy albarkantey deede, ka nga saaburoo kul har?

Zaburey 145:3

Abadantaa ga beeri, a ga hima nda saabuyan dumi kul, nga beeriyanoo sii nda kaydoo.

Zaburey 145:6

I ga ni gaabi hunburantaa har, ay ga ni gomni beerey deede.

Zaburey 150:2

Wʼa saabu nga teegoy albarkantey maaganda, wʼa saabu ka sawa nda nga beeray beeroo!

Zaburey 35:10

Ay ga nee nda ay binoo kul: «Abadantaa, may no ma hima nda ni ka yalaafante kaa boraa kaŋ ga hin a kaboo ra, ka talkaa nda alfukaaroo kaa ngi komakaa kaboo ra?»

Zaburey 71:19

Irkoy, ni šerretaraa ga too hala beenaa ra, zama nʼna haya beeriyaŋ tee. Ya Irkoy, may no ma too ni?

Zaburey 86:8

Ay Koyoo, koyey ra, ni cine koy sii no, ni teegoyey cine sii no.

Zaburey 89:6

Abadantaa, beenaa ga ni kayfey saabu, cimi no, a ga ni laadirtaraa har boro henanantey margaroo ra.

Zaburey 89:8

Irkoy ga hunburandi boro henanantey margaroo ra, a ga beeri, hunburhaya no borey se kaŋ gʼa kuubi kʼa bere.

Fattaroo 15:11

Koyey ra, may ti ni cine koy, Abadantaa? May no ma too ni henanyan ra? May ka si hunbur ni? May no ma too ni beeray ra? May no ma too ni kayfi teeyan ra?

Fattaroo 8:10

I nʼi marga zuku nda zuku, gandaa funbu.

Fattaroo 9:14

Hiino ay gʼay albalaawey kul sanba ni, nda ni borey, nda ni jamaa ga hala ma bay kaŋ ay cine sii laboo kul ga.

Kabuyaney 23:23

Kotte mana daŋandi Yakuba se, gunandiyan mana teendi Izirayel se. Nda waatoo too, takaa kaŋ Irkoy gʼa tee ga harandi Yakuba nda Izirayel se.

Alhukumoo 11:2

Hõ war ma bay kaŋ manʼti war izey no ka Abadantaa, war Koyoo aladaboo bay, i mana dii nga beeraa, nda nga kabe gaabantaa, nda nga hinoo,

Alhukumoo 3:23

«Waatoo din ay na Abadantaa suurandi ka nee:

Alhukumoo 32:3

Zama ay ga Abadantaa maaɲoo fee. Wa ir Koyoo beerandi!