Alhukumoo 28:8 - Songhai de Gao Bible

⁸ Abadantaa ga yaamar noo albarka ma huru ni attam fanjidogey nda ni kabe goyey kul ra. Gandaa kaŋ Abadantaa, ni Koyoo gʼa noo ma ne, a ga albarka daŋ ni ra gandaa din ra.

Alhukumoo 28:8 ပူးပေါင်းရင်းမြစ်များ

Kokoyey 2to 6:27

Kokoyoo nee a se: «Nda Abadantaa mana ni faaba, taka foo nda ay ga ni faaba? Attam sii no, alaneb hari sii no.»

Zaburey 1:3

A ga hima nda tuuri kaŋ dumandi hari bisadooyaŋ miɲey ga, a ga ize tee nga waatoo ga, fitawey si kogu, haya kul kaŋ a gʼa tee ga boori.

Zaburey 128:2

Nʼga daame nda ni kabe goyoo nafaa. Ni duu gomni, binekaanay ti ni wane.

Zaburey 133:3

A ga hima nda Hermoŋ tondi hondoo harandaŋoo kaŋ ga zunbu Siyoŋ tondi hondey boŋ, zama no din no Abadantaa na nga albarkaa noo, ka hunari noo hala abada.

Zaburey 144:13

Ir taasu fanjidogey ma too met, attam dumi kul ma bara i ra, ir adabba buunaa ma tonton nda zenberyaŋ, i ma tonton nda zenber woyyaŋ ir hawsawey ra.

Zaburey 42:8

Hari guusu beeri ga hari guusu beeri tana cee, ni harey kaŋ ga zunbu ka hun tondey ra jindoo bande, ni bondawey nda ni mennawey kul nʼay kar ka bisa.

Zaburey 44:4

Zama manʼti ngi takubawey ka kate i ma gandaa mayray, manʼti ngi kabey kʼi hallasi, amma ni kabe gumaa, ni kaboo kʼi kaa, ni ndumoo gaayoo, zama i kan ma ne.

Sargarey 25:21

ay gʼay albarkaa zumandi war boŋ jiiri idduwantoo ra, a ga jiiri hinza faari-ize noo.

Sargarey 26:10

War ga hegay žeenaa ŋaa, war ga ižeenaa fattandi itaagaa se.

Matiyu 13:30

Wa naŋ ihinkaa kul ma zay cere bande hala hegaa ga. Hegaa waatoo ga, ay ga nee hegaykey se i ma subu laalaa kaa jina kʼa haw taranji taranji kʼa ton. Amma alkamaa, i mʼa fanji ay mangasaa ra.›»

Matiyu 6:26

Wa beenaa cirawey guna: i si duma, i si hegay, i si taasu fanji, amma war Baabaa Irkoy kaŋ goo beenaa ra gʼi ŋandi, de war, war mana bisa ey wala?

Luka 12:18

A nee koyne: ‹Hayaa ne kaŋ ay gʼa tee. Ay gʼay taasu fanjidogey kayri ka ibeeriyaŋ cin. Ay ga agʼalkamaa kul nda agʼarzakaa kul fanji i ra.›

Alhukumoo 14:29

Waatoo din, Lewi boraa ga kaa kaŋ sii nda baa, a sii nda tubu ni bande, nda taabušoo, nda alyatimoo, nda woyoo kaŋ kurɲoo buu kaŋyaŋ goo ni koyrawey ra, i ga ŋaa hala i ma kungu, hala Abadantaa, ni Koyoo ma albarka daŋ goyey kul kaŋ ni kabey gʼi tee ra.»

Alhukumoo 15:10

A noo nda kabedoonay, ni binoo masi maray waati kaŋ nʼgʼa noo, nda nʼna woo tee, Abadantaa, ni Koyoo ga albarka daŋ ni teegoyey kul ra nda ni kabe goyey kul ra.

Alhukumoo 15:4

Haya kaŋ no, talka si hima ka bara ni do, zama Abadantaa ga hanse ka albarka daŋ ni ra gandaa ra kaŋ Abadantaa, ni Koyoo gʼa noo ma ne sanda tubu hala mʼa mayray,

Alhukumoo 28:20

Abadantaa ga laaliyan sanba ni ga, a ga lakkaltunay sanba ni ga, ka ni kabe goyey kul birji, hala ma halaci, ma cahã ka dere, ni teegoy futawey maaganda se, zama nʼnʼay naŋ.

Alhukumoo 28:7

Abadantaa ga ni noo hinay ni iberey ga kaŋ ga kay ma ne. I ga fondo folloku zaa ka kaa ka ni wongu, amma i ga zuru ni jine nda fondo iyye.