Alhukumoo 26:7 - Songhai de Gao Bible

⁷ Ir kaati ka Abadantaa, ir baabey Koyoo cee. Abadantaa na haŋajer ir se, a dii ir kankamroo, nda ir zaraboo, nda ir šiitaroo.

Alhukumoo 26:7 ပူးပေါင်းရင်းမြစ်များ

Šintinoo 21:17

Irkoy maa zankaa jindoo. Irkoy almalayka foo ciya Hažatta se za beenaa ra ka nee a se: «Macin ka duu ni, Hažatta? Masi hunbur, zama Irkoy maa zankaa jindoo, nongoo kaŋ ra a goo.

Šintinoo 29:32

Leya tee boro hinka, a na izʼaru foo daŋ aduɲɲa ra. A na maaɲoo daŋ Rubeŋ (maanaa «wa guna izʼaru»). A nee: «Zama Abadantaa dii ay naajoo. Sohõ ay kurɲoo ga baa agay.»

Samiyel 2to 16:12

A ga hin ka tee Abadantaa mʼay torraa guna ka dangayaney barmay kʼi tee ya ne gomni hõ.»

Zaburey 119:132

Bere ay here, de ma alhormo tee ya ne ka sawa nda hantumoo kaŋ kayandi kaŋ nʼnʼa kayandi borey se kaŋ ga baa ni maaɲoo.

Zaburey 31:8

Ay ga yafarhã, ay ga ɲaali nda ni borohennataraa, zama ni dii ay binemaraa, nʼnʼay hundoo binehẽeney bay.

Zaburey 50:15

Mʼay cee zarabi zaari hane, ay ga ni feeri, mʼay beerandi.

Fattaroo 2:23

Waati kukoo woo ra Misira kokoyoo buu. Izirayel borey hottu, i kaati, de ngi goyoo hottaa kaatiroo ka faaba ceeci žigi ka too Irkoy do.

Fattaroo 2:25

Irkoy na Izirayel borey guna, a dii ngi takaa.

Fattaroo 3:9

Sohõ nga ne, Izirayel borey kaatiroo too kate hala ay do, ay dii torraa kaŋ Misira borey nʼa daŋ i ga.

Fattaroo 4:31

Jamaa naanay. Waatoo kaŋ i maa kaŋ Abadantaa ɲeli Izirayel borey ga, a dii ngi torraa, i gunguma ka sujudu.

Fattaroo 6:5

Ay maa mo Izirayel borey kaŋ Misira borey nʼi tee tam hẽenoo. Ay hongu agay amaanaa.

Samiyel 1na 9:16

«Suba dimmaa woo da ga, ay ga Benžameŋ gandaa boro sanba ni do, ma jii kʼa yon hala a ma tee boŋkoyni Izirayel, ay jamaa se. A gʼay jamaa hallasi Filisti borey kabey ra. Zama ay dii ay jamaa hayaa kaŋ ra i goo, ngi kaatiroo too kate hala ay do.»